صياااااااااعه الــــبنات فالمدارس بالامارات [الأرشيف]

مخاوي الليل

17-06-2005, 11:27 PM

بصرااحه حبيت انقلكم هالقصة وانشاء الله تعحبكم

الامارات , المكان مدينه أبو ظبي..وبأخص منطقه بين الجسرين
.........

بدايت امتحانات نص السنه..
اول يوم طبعا الكل ماسك اكتابه الى وحده اتبرشم والى وحده ماسكه كوب الجاهي تتفاعل معاه
والى وحده تعضعض ظفورها من اروع.. وجذيه حالهن البنات..
نوروه: هاه ساروه درستي..
ساروه: اسكتي الله يخليج من زود ادراسه لي بيسمعج..
نوروه:ههههههههه يحافظ عليه حجيت لكتاب من كثر ما ادرس..
ساروه: بنطالع..اروح عند يزوي ومريوم هناك؟؟
...وراحن عندهن وطبعا الأنسات خبر خير يالسات ايغنن ومستطربات ولا جنه عليهن امتحان..
نوروه: والله احلفن عاد انتن يالسات اتغنن هذا ثاني ثانوي صعب
ساروه: لا وبنات علمي ليتهن ادبي والله وراحت الدنيا..
يزوي: ههههههههههههه بس لاعت جبدنا وبعدين نبا انشوفكن كله دراسه دراسه..
مريوم:هيه والله بس فرن لكتاب..
المهم دخلن القاعه الامتحان وعليهن انجليزي والكل ايدور مكانه....

ساروه: والعثره وين عقونيه جدامج يا نوير..
نوروه: االله منو قديه عداليه عهود (الدحاحه) وفطوم, وانتي جداميه....(عهود الله الله فينا)
عهود: انا اخاف بحط لورقه عداليه وانتي حاولي اتغشين..
نوروه:اوكيه وجوفي نقلينيه a b cاهم شي هذا لي بينجحنيه..
... ساروه وهيه اتأشر على نوروه..
ساروه: نقلينيه اليبه a والخشمb والثمc لا تنسين..
نوروه: اوكيه
المعلمات: يالله يابنات اقرن الدعاء وتوكلن على الله وان شاءالله سهل..
ريم: نوروه نوروه انا وراج ترانيه لا تنسين..
نوروه: ههههههههه ماشفتج..اوكيه
....... وزعن الاوراق والكل بدا يحل طبعا الورقه الاولى سهله مايبالها غش..
نوروه(وبصوت خفيف):بــــــــــس بـــــــس سسسس عهود..
عهود: اممممم ..
لفت لورقه عشان تنقل وطبعا ماقصرت ساروه يالسه تنقل مع نوروه..
ساروه تبا اطالع ورقه نوروه وراها تبا تتأكد من سؤال ماعرفته.. وردت بالكرسي ورا ..
ماشافت نوره الى بساروه طايحه جدامها..
القاعه كلهااااااااا::: ههههههههههههههههههههههههههههههههههههه
وحده من المعلمات قالت حق ساروه وهيه طايحه( من غشنا فليس منا)..
ساروه: لا حرام انا ماغش استغفر الله ..
نوروه: مايندرا ههههههههههههه اخبر..
ساروه : بذبحج..
نوروه(وهيه اترمس المعلمه): ابلى كم باقي من الوقت؟؟
المعلمه: 25 دقيقه..
نوروه: اففففففف الله يعين خلاص مليت من الورقه وانا اتصفحها..
ريم(وبصوت خفيف): أيــــــــــه نقلينه الورقه الخامسه..
ويلست نوروه اتنقل ريم..
خلصت ساروه ونسدحت على الطاوله ورقدت..
المعلمه: يابنت ارفعي راسك..
ساروه مطنشه المعلمه طبعا..
المعلمه: يا بنت انتي مابتسمعي ارفعي راسك..
ساروه: .
نوروه: يالله
وقامن وسلمن الاوراق والابتسامه طاره اويوهن ...
عهود: يالله عطنيه فلوس غششتكن..
ساروه: استغفر الله نحن اصلا مانغش صح نوروه::
نوروه: هيه صدقج مادري منو لي حاشرنيه فالامتحان يبانيه اغششه..
عهود: انا والله لو ناقله من عندج ضمنت الدويحه..
نوروه: شو قصدج ؟؟
ساروه: هههههههههههه صدقها ماكذبت..
طبعا كل المعتاد شحاتت فلوس عند البنات..
نوروه: هاه ساروه كم يمعتي؟؟
ساروه:هههههههه 20.. وانتي؟؟
نوروه: يمعت ثلاثين ونص وربع يالله بنشل البنات وبنروح الواحه..
ساروه: نوروه بنركب سياره أي بنيه ..
نوره:ههههههههههه اوكيه..
وظهرن وشافن سياره ميروه وركبن معاها..
ميروه: هاه هاه وين تبن؟؟
نوروه: عاوزين شيشت ادنوك بليز..
ميروه: أي هاه ماعندنا بنات ايروحن ادنوك حولن حولن..
ساروه: انا ارويج..
حولت ساروه وصارخت بصوت عالي..
ساروه: بناااااااااات بناااااااااااات ميروه عازمتنكن على الواحه وعحسابها يالله اركبن..
وماشي الى دقايق ونترست السياره من البنات..
ميروه:هههههههههه مافيج حيله..
طبعا مطولات على المسجل وكل وحده مداعسه مع الثانيه والصفيق والحشره مرتبشااات فوول
وصلن الواحه يوم بطلن الباب نص البنات طاحن على الارض من كثرهن..
نوروه: بنات كل وحده

Nathyaa

18-06-2005, 12:53 AM

يسلمووووووووووو علي القصه

َQADSAWY Q8

18-06-2005, 05:33 AM

فيلم هذا مو قصة
هههههههههههههههههه
هههههههههه

وانت طول الوقت كنت معاهم يا مخاوي :)

مخاوي الليل

18-06-2005, 02:54 PM

شاكرلج نثيه علي المرور الطيب

بنت السويدي

19-06-2005, 12:45 AM

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

يسلموو يا مخاااااااااااااوي عالقصه ويعطيك الف عافيه

مخاوي الليل

19-06-2005, 01:41 PM

الله يعافيج بنت سويد

g6waa

23-06-2005, 04:39 AM

http://www.kwety.net/kwety1/q8/4444.gif

الف شكرررررررررررررررر

قصه حلوه

:a146:..g6waa:a146: