|
تدرون شنو المشكله ان الكلام غير الواقع احنا قاعدين في بيوتنا ونقول هذا غلط وهذا صح اما في الميدان يكون الوضع غير تماما ممكن الحين انا اكون قاعده في بيتي واقول لكم تصرف الشرطي غلط المفروض مايسوي جذي بس اذا كنت انا شرطي ممكن اسوي اكثر من اللي سواه الشطري ياجماعه الكلام غير الفعل في مثل يقول ياروح مابعدك روح والحياة حلوه ترى يعني انا ممكن ارعب اللي امامي علشان اقدر احافظ على حياتي هذا ترى الشرطي ميشيل شنو تتوقع من رجل ماسك سلاحه ويدور في الشوارع ومعرض لأي خطر يتوقع انه الطلقه ممكن تصيبه باي مكان في ظهره في صدره في راسه الشرطي عايش حالة رعب بس محد يحس فيه للاسف واذا دافع عن نفسه حولوه التحقيق وقامت الناس تتكلم عنه ميشيل لو انت شرطي وطبقت الكلام اللي تقوله فاخذها مني كلمه انت ماراح يوصل عمرك 30 سنه الا انت مرحوم او شهيد دائما نقول الكلام غير الواقع اقتباس:
مافي اداره كامله الكمال لله يامشيل في اغلاط بس الحمد لله انها اغلاط خفيفه وقاعدين يتداركونها عندك مثلا الجيش وانا على حد علمي انك بالجيش <<<<<< فضحت الريال ههههههههههههههههههههههههههه ابيك انت تقول لي شنو الاغلاط اللي موجوده بهالاداره الكثير والكثير والكثير اتمنى انت تذكر لنا هذا معناه ان الاغلاط موجوده وحاصله بس الشاطر اللي يتداركها وبعدين قانون الكويت فيها وايد ثغرات <<<<<< سوسه قلبت على الجيش |
وربي انج فضيحه
ههههههههههههه نثيه لا تخليني اعصب وكفخ راسي بالشاشه شنو اخطاء خفيفه اخطاء خفيفه انهم يزهقون ارواح مالها اي ذنب واذا تبين اعدهم لج خطأ خطأ ما عندي مانع مجاز سنوي وكلش ما عندي شغل طبعا عشان ما نزعل احد ما اقول كلهم اغلاط نقول النص او الاغلب وعلى سالفة الجيش الجيش والحمد الله مافيه ولا احد يقدر يصيد عليه غلطه وحده واذا عندكم شك في كلامي عطوني غلط واحد حصل بالجيش وعطوني الدليل وانا ارد عليكم وشكرا |
اقتباس:
نعم صحيح بدليل دخول العراق واغلب الجيش مهربين من الدوام :) |
نثيه غلاتي
الجيش العراقي على حسب علمي انه رابع اقوى جيش بالعالم الغلط مو بجيشنا ولكن بقلوبنا وقلب اميرنا الله يرحمه بأذن الله غلطتنا الوحيده اهيا الثقه كنا واثقين بالنظام السابق لكن كل طراق نتعلم منه وأكرر انه الجيش العراقي رابع اقوى جيش بالعالم يا غلاتي سواءا كنا واثقين بالنظام السابق قصدي نظام صدام طبعا ماكو مقارنه يا غلاتي |
انا معاك بس وين كانو على فكره اغلبهم مهربين من الدوامات ياجماعه هذي حماية بلد اشلون تهربون كل اداره فيها اغلاط يا ميشيل بس الاداره الذكيه هي اللي تستفيد من غلطها |
| الساعة الآن 01:35 PM |
جميع الحقوق محفوظة لـ الشبكة الكويتية
التعليقات المنشورة لا تعبر عن رأي الشبكة الكويتية ولا نتحمل أي مسؤولية قانونية حيال ذلك ويتحمل كاتبها مسؤولية النشر