جتني تودعني مسا يوم الأثنين
جتني بظرف ما يفيد اعتراضي
جتني ولوني إنخطف بين لونين
فيه السواد و فيه لمحة بياضي
قالت غصيبه يا حمد فرقنا شين
و لزوم فرقانا تجي بالتراضي
قلت الخبر وشلون نبقي بعدين
و دموعها قامت تسابق هياضي
قالت فمان الله يا اغلى المحبين
حكم علينا الوقت و الوقت قاضي
ما عاد أفيدك يا حمد و المرض شين
يمشي بجسمي مثل سيل الفياضي
بحكم القدر و الوقت و العسر ماشين
لازم نطيع بقسمته و إن فراضي
ملزوم ننسى ذكريات لها سنين
ملزوم نحسبها قديم و ماضي
عجزت إصدق وين أنا والخبر وين
وش هالقدر ياللي عرض لي عراضي
حضنتها و لميتها بالذراعين
وتقادحت عيني كما البرق تاضي
ممدانني أفرح في غلاها بعامين
وهل القدر غضب علينا إفتراضي
أقفت و تمسح دمعها لي بكفين
وأقفت تناظرني بفرقا الأراضي
عجزت أشيل خطاي روحنا مقفين
عجزت وجسمي يرتعش وينتفاضي
غضب علي با ساير الوقت و البين
هذا قدرنا ما يفيد التقاضي
حسبي على وقت جمع و فرق أثنين
ما شال هم لحسرتي و إغتياضي
الشـاعـر / حمــد الفارس