:a81:
أ- أنا معزوم بروح دوري أحد من أخوانك يوديك!!
ب- بكره بطلع للبر جهزي العده !!
ت- تبغون شي كلموني على التلفون باروح الاستراحه!!
ث- ثوبي مبقع من زيت السياره اغسليه اباه يرد جديد!!
ج- جيبي غدانا ألحين (( الساعه توها 12)) وراي شغل
ضروري بطلع بشوف المباراه!!
ح- حبيبتي تامرين على شي ((كلام آخر الشهر ,الزوجه
موظفه!!
خ- خففي مكالماتك شوي الفاتوره عاليه!!
هذا اللي فالح فيه يتشرط وبس
د- دفعت فاتورة الماي وعليك الكهرباء و التليفون
واشتراك استالايت!!((والله عادل))
ذ- ذيك المره وديتكم تمشون بسكم عاد
(( من خمس سنين هالكلام وهو كل سنه يسافر))
ر- راصتني سنه عند الباب والله لو سويتيها مره ثانيه
دوري احد غيري يجيك (( جاي قبل الوقت بنصف ساعه))
ز- زي كل سنه العيد عند اهلك انا مواعد الربع.
س- سلفيني وأردهم آخر الشهر!!
ش- شدي حيلك غدى الربع عندي اليوم
((هيه موظفه وتطلع من الشغل الساعه ثلاث))
ص- صار لي ساعه انادي وينك انتي؟!!
عالم تدور مشاكل
ض- ضاعت أوراق المستشفى الي تخص الولد
((لو أنها مضيعتهم كان ضيعها ويا الاوراق))!!
ط - طالت وأشمخت كاليوم للسوق!
(( من الصيف الماضي ما قد شافت دربه))!!
ظ- ظهر الولد يحكه, أكيد من السنه الفايته ما تسبح الولد
(( أمس كان يقول لا تسبحينه كاليوم الجو بارد))
ع- عطيني بطاقتك بشتري اغراض البيت الفواتير خلصت
علي الراتب!(( أي فواتير راجع حرف الدال))!!
غ- غلوا سعر البنزين خففي مشاويرك شوي!!
((ماتجي ربع مشاويره))!
ف- فراشي هاتيه برقد فالصاله!!
((عشان ما يسمع صوت الولد وهو يصيح))
ق- قطري بأذن الولد من قطرته اعيونه يوم بفظى بوديه
المستشفى!!((الله وكبر يا مهام الدنيا إلي وراه))
ك- كلمي احد من اهلك يودونك انا مشغووول!!
ل- لبيه ايش تبين(( مضيع العنوان))
م- ماشالله وش هالطبخ الزين!!((بيعزم ربعه وبيسهلها
عشان ما تقول الطبق الرئيسي من برا))
ن- نسيت والله أنك قلت لي اشتري اغراض للبيت!!
((الله ياكثر نسيانك))
ه- هونت اجدد فرش البيت ما عندي سيوله !!
((سيوله ومتى صار عندك))!!
و- وريني شطارتك واضربي عيال اخوانك أذا ضربوا
عيالي((يحب الشر))!!
ي- ياكثر كلامك ,اروح الإستراحه أحسن لي