أتمنى بأن تحوز على رضاكم هذه المتواضعه
:::::::::::
يا شمعة القلب يا وهج السنين
يا نسمة الحب في قلبي الدفين
يا ضحكة الباكر في أمسي الحزين
إسمع ترى في القلب لك كلمتين
*
*
*
كنتي وأنا واقع يعيش وسط الخيال
كنتي وأنا نرسم أمل فوق الرمال
كنتي وأنا حبٍّ غدا كبره جبال
كنتي وأنا
كنتي وأنا
كنتي وأنا شمس وقمر جنبه يزين
*
*
شفت السعاده والهنا
وليلي تغشاه السنا
حتى عرفت إني أنا
عايش حياة العاشقين
*
*
قربك يخليني أنا وحدي الملك!
يامر وينهي دنيته منك ولك ..
لكن خفوقي يا الغلا أبيسألك ؟
ليه العمر دونك بقى كله ...... سجين
*
*
لكن ولكن هالفراق ذنبه مباح
لكن ولكن بينكم زاد الجراح
والشمعه أغتيلت على كف الرياح
ورمشي حمل دمعه عساها ما تبين
*
*
رمشي طعن دمعة عيوني وأكتفا
يترك جروح الدمع من صوت البكا
وقلبي يناظر دمعتي ولا ما حكا
عل وعسى قلبك يرجعه الحنين ..
*
*
أرجع مع الذكرى وأنا برجع بعد
وأذكر حياةٍ ظلّها غيم الوعد
قبل الخيانه والنوى ولا تبتعد
أرجع وأنا أصبر ياالله إنك لي تعين
*
*
أذكر إني كنت أنا لروحك دفا
أذكر إني كنت أنا رمز الوفا
أذكر إني كنت أنا لكدرك صفا
أذكري ثمْ أذكري
أذكري ثمْ أذكري
أذكري ذكراي عل قلبك يلين
*
*
تذكرين الضحك لا صارت بآه
تذكرين الجرح واللي لك رماه
تذكرين الموت في ظل الحياه
هذا أنا وإحساس قلبي ... تذكرين ؟؟
*
*
*
هل تذكرين ؟
*
*
*
هل تذكرين ؟
......................
تحياتي لكـــم ياأخواني وخواتي
الذهبــــي