اول يوم كنا نطرقع باصابيعنا وساعات نقول حق اللي معانا مره وحده طرقعلنا اصابيع ريولنا وناس تسويها غشمره وناس ترتاح منها
المهم احنا تعودنا او المعظم تعودوا انه يطرقعون اصابيعهم انا وحده من هالناس ارتاح لما اسمع صوتهم ويضيق خلقي لو واحد منهم ماطرقع ههههه
عاد بالنسبه لي ابوي دايما ينبهني لاتسوين هالحركه كان يقول اصابعج ترتخي (اهو ماشالله عليه مايحب هالحركه) بس انا اذن من طين واذن من ماي (بالعربي عمي اصمخ)
بس اليوم بالصدفه وعن طريق الايميل وصلني هالخبريه دراسات وبحوث مسوين وهليلا وانقلكم الضرر اللي اكتشفوا:
*
فقد اوضح الباحثون أن من اعتادوا على طرقعة الأصابع يتعرضون لأضرار بالغة في أربطة ومفاصل الأصابع وان الصوت المرتفع لطرقعة الأصابع يكون ناتجاً عن انخفاض حاد في الضغط خلال كبسولة المفصل , تتسبب في تكوين فقعة من السائل حول المفصل . على المدى الطويل تتسبب طرقعة الاصابع في خلل مزمن في المفصل فتجعل الشخص غير قادر على تحريك الاصابع, وهذه النتيجة تحدث طبعا في حالة الاكثار من الطرقعه.*
الصحة والعافيه حلوه الله يديمها علينا ويحفظنا وياكم من كل شر
ودمتم سالمين ----> تذكرت البرنامج اللي شايفه بيعرف هههههه