نثيه اعذريني على مداخلتي بالرد بس مجرد رايي ودي اقوله لبعض الزملاء بالمنتدى وطبعا كنقاش عام بينا ومجرد تبادل بالوجهات النظر
اولا بالنسبه للزميل كتكوت كويتي :
(انت ماتحب المرأه) ليش انت تصوت على اساس الحب ولا يعني لازم تكون وائع لشوشتك (على قولت المصريين) يعني الحين انا لو صوت لمرشح رجل معناته ميته فيه واحبه هههههه
ملاحظه: طبعا انا متاكده انه قصدك انك ماتعتقد انها تنفع المجتمع بالمجلس او انك مو مقتنع فيها منطقيا بس لاتحكم عليها بالمفسده تره سبحانه وتعالى نهانا من التهامز (ويل لكل همزة لمزه) والمفروض مانحكم بالاحاسيس وانما من خلال انشطتهم واعمالهم السابقه شنو سوو وشنو منطقهم.
اما بالنسبه للزميل الغائب الحاضر الذهبي ودي اخذها فرصه اني اقولك عسى ماشر كنت غايب وينك هالمده عسى المانع خير (منور).
اولا كلامك صح ممكن يكون سالفة الرساله موصل باليد شويه موداشه بالعقل بس ولله في شغلات تصير والله اعلم ماهمني بالموضوع كثر ماهمني التفاصيل لانه صايره ونفس ماذكرت بردي اغتيال للاديبه هديه.
ثانيا بخصوص التهديد سواء شنو كانت معناها ماعتقد هتامعني يحتاج رساله وباسلوب تحذيري تخريعي هالاسلوب مواسلوب الدين والاسلام والواعظين واذا كانوا نازل عليهم الوعض ويبون يسوون امر بالمعروف يعممون على كل المرشحات بالندوات وبتصاريح عامه وحتى بالاعلام يقولون الاسباب والمنطق والدلائل المستمدين منها يعني في شي اسمه اسلوب الترغيب, مايحتاي استخدام الترهيب.
اما بالنسبه للزميل الاقشر ياويلي هههههه
تقول انه اخر عمركم يحكمونكم حريم: ليش ماماتي عيل هالعمر كله منووو حاكمكم, انتو اساسا لما تنولدون لما الممات (الله يطول باعماركم) النساء حاكمتكم هههههه
وبعدين لو مواحنا حاكمينكم عدل بالليل جان ماقدرتوا تحكمون بالعدل بالنهار, جان موازينكم كلها مقلوبه ولا لكم خلق بشي وتره انتوا مستمدين قوتكم من ضعفنا (بس تره ضعفنا بمزاجنا ههههه).
شكرا لكم وتره نفس ماقلت كلها مجرد راي انا حبيت ابديه واعتذر بشده لنثيه لتدخلي بالموضوع وشكرا لكم كلكم والله يوفق الكل.