ظـــلـــم الـــهـــوى
إحترقت الشوق والشوق احترقني
من غدا كلٍ عن الثاني غريب
للشقا حظي مشي فيني وسبقني
آه ياظلم الهوى وظلم النصيب
السهر من عشقتك غصب عشقني
ياعنيد يابعيد ياقريب
سال من عيني قصيد ولانطقني
والسواد اللي توشحني كئيب
صرت له كلي وعيا ماعتقني
وان تفزعت بنهارك مايجيب
أنت وينك يالسروق اللي سرقني
رد لي لو راحتي ودي أطيب
الزمان اللي على دروبك رشقني
كني الديمه على القاع الجديب
يوم جيت أتذكره لاماصدقني
وقال لي إنت البشر تخطي وتصيب