[مجرمة قديمة]

وصف الله سبحانه وتعالى في كتابة الكريم النمام ( زنيم اعزكم الله )
كما انه يقال ان النمام في الساعة الواحدة قد يصل من الخراب والدمار مابين البشر
مالم يصل اليه الساحر في عام كامل كفانا الله شرورهم والمسلمين اجمعين


[FRAME="2 90"]نمـام مايكفـي كـلام الشريعـه ** ما يدخل الجنة من الخلـق نمـام

نمام كيف ابليـس قلبـك يطيعـه ** تنسى كلام الله ورسوله بالاسـلام

فرق تسد صـارت لقلبـك طبيعـه ** والغاية تبرير الوسيلة لـك وسـام

تحلف على سرٍ خذيتـه وتشيعـه ** تكشف ستر من يامنك بعد الاقسام

تحكي لهـذا وذاك لجـل القطيعـه ** مثل النصوح ومقصدك قطع الأرحام

تحكي مع العالـم بنفـسٍ وديعـه ** وفي داخلك شيطان خايـن وذمـام

كم واحدٍ خليـت نفسـه وجيعـه ** زيف الحقايق حتى في هاجسه هام

الكذبة دايم جاهـزه لـك سريعـه ** ابليس كنك تدخل الخلـق بوهـام

في المصلحه يمكن حبيبك تبيعـه ** برخص ثمن والحب تاطـاه بقـدام

ودك على الأكتاف ترقـا الرفيعـه ** وتشوف نفسك فوق والعالم اقـزام

في الساعه تعمل لك امورٍ شنيعـه ** اشنع من اللي يعمل الساحر بعـام

ويمكن ماتسلم منك طفله رضيعـه ** ويمكن تناظر رزق لأطفـال ايتـام

النفس مشفوحه وعينـك وسيعـه ** ماترتوي وتشبع على طول الأيـام

وش فايدت جاهك ونفسك وضيعـه ** واللي خذيته ظلم بهتـان واجـرام

يكفي وصفك الله بصـورة بشيعـه ** ( زنيم ) معنى تستحي منه الأقلام [/FRAME]