يوم من الايام واحد من الشباب راح يخطب ...وبعد الموافقة ، ومصاريف
الحلوى والقهوة وووووالخ.
طلب العريس انه يطلع مع عروسته ايام الخطوبة ، سمحوله الجماعة ..قعدوا في
الحديقة ، وتكلموا وعرفوا بعضهم اكثر.
لما رجعت العروس البيت ، سألتها أمها : ها اشلون فلان ؟
ردت العروس: هو زين ، بس في شي مو عاجبني فيه
الأم :شنو ؟
العروس : تراه يعلج علوج اربع وعشرين ساعة ، وهذا مو عاجبني فيه.
الأم : خليني اقول حق ابوج، وهو يتصرف معاه ويشوف صرفه معاه.
وبعد كم يوم ، سأل الأب العريس عن الموضوع.
يافلان شنو سالفة العلج الي أشوفك تعلجها دائما..؟؟
قال العريس: اصلا ما اعلج العلج الا لما ادخن بس ..
الأب: انت تدخن ؟؟؟
العريس : ايه بس لما اكون شارب خمر ..
الأب : وتشرب خمر بعد!!!
العريس:اشرب لما التقي مع شلتي اللي تعرفت عليهم في السجن بس ..
الأب : وكنت في السجن بعد !!!!!!!!!!!! وشنو سويت..؟؟؟
العريس : ما سويت شي، قتلت رجال واحد بس .
الأب : وليش قتلته ؟
العريس : علشان كنت خاطب بنته ، ومو عاجبه اني اعلج العلج.
ورجع الأب الى بنته، فسألته ابنته :شنو صار؟ خبرته عن العلج ؟
رد الأب : يا بنتي تراها مجرد علج وبس