مشكوره نثيه هل هل موضوع
بصراحه مواضيعج مميزه
وانا ما راح اتكلم عن الي قاعد يحصل بالعراق
لانه بصراحه اختلط الحابل بالنابل
الزرقاوي من صوب الشرطه من صوب
والخ والي ماكلينه المساكين
انا بس ودي ارد على اخوي لاجئ سياسي
اخوي ياريت تعطي نفسك ساعه باليوم
تفكر وتتامل شنو قاعد يصير بالعالم
عندك الاحاديث النبويه ترى كل شي
موجود بس انا استغرب فيك شي واحد
بصراحه انا احس انك تعرف كل شي بالدنيا
انت تقول ما خذو الكويتين التعويضات
وبعدين تقول حق نثيه خذو اشويه
انا ودي اعرف انت اشدراك
وبعدين شنو محد ما يقدر يدش المعسكر الا بتصريح
اخوي هذا معسكر مو مدينة ملاهي ممنوع احد يدشه اصلا
وعلى كلامك الي فهمته طبعا اذا كان فهمي غلط فاعزرني
ان العسكري الكويتي ما يقدر يرمي طلقه وحده منو قالك
والامريكي الي قالك شنو مسؤول القوات الامريكيه بالكويت
ولا شنو انا اتمنى اني اعرف ليش انت مو راضي تقتنع
وبعدين يعني انت تقول انك زرة احد القواعد العسكريه
معناته انت عسكري او اين كان بس المفروض انه هل زياره
تكون محاطه بالسريه الكامله مو تروح تقول للناس انا رحت زرت قاعده
عسكريه واسمه جذي ومكانها جذي ما يصير اخوي هذي اسرار انا اعتقد انك
عسكري وانا اعرف ان العسكري يحفظ الاسرار حتى لو ما كنت عسكري ودخلت
مكان نفس هذا ما تتكلم جذي وبعدين انت اشفيك على الكويت كل شي قلت الكويت
شنو مسويلك شي احنه
وبعدين ابي انبهك على شغله مهمه جدا
اظاهر ان مصدرك نسه يقولها لك ركز نسه
ان اي عمليه راح يتم تنفيذها يتم ابلاغ المنفذين قبل وقت صغير ما يمديهم يدزون رسايل
وبعدين اخوي سالفة الشفره هذي ما تدش العقل
وحتى لو كانت شفره
شنو هل عمليه الي يتم ابلاغ المنفذين عن موعدها ويدز رساله
واليهود يفجون الشفره ويبلغون رعاياهم بامريكا لا يداومون بهل يوم
جم يوم يبيله هذا
انا ما اعتقد يوم كل هذا
وعمري ما سمعت عن عمليه يتم ابلاغ المنفذين بمدة يوم
اخوي لاجى اشرب عصير ليمون وهدي اعصابك
دايمن معصب
انا هذي وجهة نظري
بس لي رجاء خاص
انت وايد تدخل الكويت بهل مواضيع
انت طال عمرك من بلد عزيز ويربطنه
معاكم صلت رحم فاذا تبينه نتكلم عن الدول
ترى ما عندنه مانع بس خلك هادي ولا تدخل
الكويت بهل مواضيع
وشكرا