نكمل مشوارنا مع شاعراثبت جزالته وموهبته الشعريه
حامد زيد
شاعر غني عن التعريف ولكم هذة النبذة عنه
الاسم : حامد زيد سعدون فارس العازمي
مواليد 4/فبراير/1977 للميلاد
الحاله الاجتماعيه : متزوج ولديه ثلاث ( اسماء-ساره-ريم )
حاصل على شهاده دبلوم تجاري من كلية الدراسات التجاريه
عضو ديوانية شعراء النبط الكويتيه بدرجة شاعر ممتاز
موظف في وزارة الشؤون الاجتماعيه والعمل
كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد . والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .
اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )
اقام العديد من الامسيات بالكويت ومن اهمها
امسية هلا فبراير بتاريخ 5 فبراير 2001 بمشاركة كل من الشاعرين : ضيدان بن قضعان وعياد الشمري
امسية هلا فبراير بتاريخ 9 فبراير 2002 بمشاركة كل من الشاعره بشاير الشيباني والشاعر حمد السعيد
امسية هلا فبراير بتاريخ 16 فبراير 2004 بمشاركة الشاعرخالد المريخي
امسية الهيئه العامه للشباب والرياضه بالتعاون مع جريدة السياسه فيه 12 يونيو 2000 وكان عريف الامسيه الاستاذ على المسعودي
امسية معرض الكتاب وكانت بمشاركة الشاعر رجا القحطاني فى عام ديسمبر 2000
الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال
وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل
من :
خلف (بن هذال العتيبي) من المملكه العربيه السعوديه
(محمد عبدالعال) من مملكة البحرين
(هادي القحطاني) من دولة قطر
(خالد المعنى) من سلطنة عمان
(محمد المر) من دولة الامارات العربيه
ومن الكويت كل من :
(محمد عبيد العجمي)
(سعود الفهد)
(شنوف الهرشاني)
(طلال السعيد)
(وحامد زيد)
بالاضافة الى العديد من الامسيات والمهرجانات فى كثير من المحافل فى الكويت
ومن اهم الامسيات التي شارك بها الشاعر خارج دولة الكويت
أمسية مهرجان عباده وإستفاده فى المدينه المنوره فى 25 يونيو 2001
أمسية مهرجان صيف الطائف وكانت تحت رعاية صاحب السمو الملكي الأمير / فيصل بن خالد بن
عبدالعزير آل سعود بتاريخ 5 يوليو 2001
أمسية أتحاد طلبت الكويت بالقاهره في اكتوبر 2000
أمسية عنيزه في ختام مهرجان القصيم السياحي والتي وصل جمهورها الى 8000 شخص في تاريخ 31 يوليو 2003
أمسية ابوظبي في 15 إكتوبر 2003 تحت رعاية سمو الشيخ فلاح بن زايد بن سلطان آل نهيان
أمسية صيف أبها في7 أغسطس 2004 تحت رعاية الملك فيصل بن خالد بن عبدالعزيز
وله أربع إصدارات ديوان مقروء ويحمل اسم أربع خناجر
والبوم مسموع يحمل أسم شعر حامد زيد
وآخر يحمل أسم السفينه
والاخير شريط مشترك للشاعر حامد زيد والشاعر خالد المريخي
واسمه امسية هلا فبراير 2004
ومن اشعاره الرائعه قصيدة
بوقت من البطـــــــا،وبليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي مثـــــــــــل بيتك تمرينه
وانا اللي من تفارقناوأنا ماغمضت لي عين
غريبة كـــل حلم يمـــــر برقــــــــــــــادي تزورينه
والاغرب كيف أحلم الحلم،وارجع واحلمه بعدين؟
قـبــل يومين،شفتك بالمنـــــام..وقمت من حينه!
ونمت أمس،ورجع نفس المنام اللي قبل يومين
أنا اللي قبل اسافر شلت قلبي من شرايينه
تركته في يدك مثل الأمانه ،واحفظيها زين
ترى حفظ الأمـــــــــــــانه دين..مجبورة تردينه
أجل ، مافيه أحد كد قال لك(حفظ الأمانة دين)؟!
مرد المقـــــــــــفي بيلفي..ويستوفي ،وتوفينه
بعـــــد ليله ،ثلاثه،أربعه،عشره،شهر، شهرين
إذا انتي ،ماانتي بقــــــد الكلام اللي تقولينه
حرام..استامنك حاجة،وإذا جيت اطلبك تنسين
تخونين،وتبين أرضى.!وأحد يرضى تخونينه!
أنا لاجيت أخونك، مع حبيبةثانيه،ترضــــــين.؟
من أول مارجعت من الســــــــتفر ماشفت لك بينه؟
وأنا اللي كنت أحسبك قبل ادوس ارض المطار..تجين
تكــــونين أنتي أول شخص عيني تحتضن عينه
وكنت أتخيلك من زود فرحة رجعتــــــي..تبكين
وأشوف بدمعتك حكيك..وأعرفه قبــــــل تحكينه
واجيب أحلى من اللي بتحكينه،وأتركك وتحكين
تقولين:الوطن نـــور..وأقول بنورمضــــــوينه
تقولي لي:غديت أحلى،وأقول:عيونك الحلوين
كلام نام بشفاهــــــــــــــــــك..وخفتي لاتصحينه
ذخرتيه لغرام للي ينــــــــــام...ويترك تصحين
تغانمتي غيابي..لين رجحتـــــــــــي موازينه
تعلــم من يدك لمس الكفوف وعلمك تجفين
وليتك لاقيه بـــــــــــه شي..فيني ماتلاقينه!
مهو بغرور..لكن خابرك مالك أمــل تلقين
تغافلك بغـــــــــــــلا..والإ الحلا مهو بمن زينه!!
تزينه الصور ..بس الصحيح ابن الحلال زوين
وأنا مــــــــــــاني بنقاص عنه يوم أنك تبدينه
نصيبي..هو نصيبي لو يسددها من الصوبين
قنوع بمظهري ،والســــــــــم مايذبح ثعابينه
على قول المثل ماني حلو..لكني ماني شين
إذا أهـــــــداك الزهر مره،فأنا اهديتك بساتينه
وإذا ألهاك بفرح ليله، فانا تهت لبكاك سنين
وإذا استضعفــــــــتك أملاكه...وشتتك ملايينه
أنا حتى فتات الخبزة أقسمها معــــــــك نصين
طموحي ،بس أجي وأظفر بشي تستـــــحقينه
تدينته ،تسلفته،سرقــــــــــــــته ،مومهم منين؟
كــــــــأني من كثر ماارضى بكل اللي تمنينه
لو انك تطلبين الله ..يعنيني، بقول آآآآآمين
أنا ماالعب على الحبلين،وقت الطيش وسنينه
تبين الحين يوم أني كبرت العب علىالحبلين؟
تـــــــرى عند البدو بالذات عيب اللي تسوينه
حلاتك لاعشقتي..تعشقيني ليـــــــــوم الدين
غرامٍ نسكن ضلوعه..حشيمه من مجانينه
جفـــــا،يجمع معزتنا...ولاعشق يذل أثنين
كثـــــــــــار اللي تحدوني وقالولي:تحبينه
امانه ...لاتخليني صغير بعينــــهم تكفين
لانـــي كل ماقالوا(تخون)..اقول:مسكينه
عليك الله وأمانه..علميهم منهوالمسكين
أنــــــا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين
مثــــــــل ماقالواالمكتوب واضح من عناوينه
لو ارحل منك للغربه بسافر من ظلامك وين؟
كفــــــــــــايه..كل حلم يمر برقادي تزورينه
كفاية..من تفارقنا..وأنا ماغمضت لي عين
قبـــل يومين شفتك بالمنـــــــــام وقمت من حينه
ونمت أمس،ورجع نفس المنام اللي قبل يومين
وتقبلووو فائق شكري وحبي
بانتظار مشاركتكم اخواني واخواتي
في مشواار شاعر