(((( لو كانت حواء مديرتك يا Vip ؟؟؟ ))))

[آسيل5]

مساءكم / صباحكم أنوار ومسرات ..

وأشجار وارفات ورياضٌ شذيه ...

أخواني وأخواتي الكرام

يوماً بعد يوم تتقدم المرأة في سوق العمل،

فبعد أن تحصنت بالشهادات العلمية، بدأت

تتبوأ المناصب الواحد تلو الآخر وسط ترحيب


عام من المجتمع، ومخاوف من بعض الرجال على

مكتسباتهم التي ورثوها أزماناً طويلة.

ومن الدبلوماسية إلى مجالس إدارات الشركات

والهيئات، ووصولاً إلى التدريس بل والعمل


المهني "الشاق أحياناً"، بدأنا نشاهد نماذج

مشرفة للمرأة العاملة.

وهي اليوم تشارك في مناصب عدة وتطالب

بترشيحها بمناصب حكومية مهمة

ويبدو أن الرجال لايروق لهم ذلك، لكنهم لا

يستطيعون وقف هذا الزحف النسائي، ولذلك

نسأل الرجال سؤالاً.. ما رأيك بعمل المرأة

عموماً؟ وهل تقبل أن يكون مديرك امرأة؟ ؟؟؟

جاوب ياآدم بكل صراحة هههههههههه ولا تخاف !!

كل الشكر والإمتنان لتصفحكم ومشاركتكم الطيبة

 

 

[VIP]

والله يا أسيل

بعض الحريم أفضل من الرجل اذا مسك منصب ولكن شغلة صعبة صحيح ان تكون مديرتي حواء ليش .....؟؟

لأن لو نفرض انا اخطأت في أي خطأ كان من يحاسبني شئ طبيعي هي وهذا يحسس الرجل امامها بضعف بالشخصية ...

والله مصيبة :)

بس لله الحمد لن تصبح ولا اصبحت مديرتي مرأه في مجال عملي :)

[Nathyaa]

يعطيج الف عافيه

بس لله الحمد لن تصبح ولا اصبحت مديرتي مرأه

الله

ههههههههههههههههههههههههههههه

وشنو يعني لو تصير مرأه رئيستك

ها ليدر

اشوف التحيز صار


اولا

تسلم ايدج اسوله قلبي

ثانيا

ليدر

والله والله والله لو المرأه مسكت مناصب جان شفت الديره بخير

على الاقل المرأه ماتبوق وتختلس واذا دشت عليها وحده على طول وقعت الورقه

يعني مافي واااااااااسطه عندها وماشيه سيده

شوف الحين المرأه مسكتوها كل شي حتى بيوتكم وعيالها

وحتى انتو يالرياييل المرأه تتحكم فيكم بالبيت

خلونا واقعين وكلامي للرجال عامه :)


خلوها تمسككم بعملكم يمكن تبطلون تبوقون

لأن لو نفرض انا اخطأت في أي خطأ كان من يحاسبني شئ طبيعي هي وهذا يحسس الرجل امامها بضعف بالشخصية ...

ابوي انت

وين قاعدين تحاسبك

تخيل تمسك الكرباك هههههههههههههههه

كل اللي يسويه مديرك يحول على التحقيق او يكتب فيك كتاب

مايقدر يسوي لك اي شي


معلش انا انفعليت شوي ههههههههههههههههههه

بس انا انقهرت من كلمة ماي بوس

بس لله الحمد لن تصبح ولا اصبحت

جيك على ولا اصبحت ههههههههههههههههه

اللغه العربيه عجيبه ياخوي

المهم

نرجع لمحور حديثنا

ويعدين خليها تحاسبك شنو المشكله

راح اعطيك مثل بسيط للي يصير بالدوائر على الرجل والمرأه

____________


انت داخل على رئيسك الريال بالمكتب متأخر :


المدير : وينك تأخرت ؟

انت : شوي ظروف وانبط تاير السياره وصلحت البنجر ووديت اليهال المدرسه ووديت امهم الدوام ونرجعت البيت وديت الخدامه السفاره ورحت لمكتب السياحه قصيت لها تذكره ومريت على بوخلود بالقهوه خذيت لي راس أرجيله وييت وبالمره مريت الدوانيه خذيت جولة كوت بوسته :)


المدير : اخاف بس صج يعني ماتدري هذي اداره وانت محاسب وبصوته الاجش الغليض يكلمك وعيونها طاقه لين برا جنه لومي بمرق ويشوح لك بيده وهو يصرخ


_______________________

نحول هالسالفه للمرأه اذا كانت رئيستك


المديره : وينك ابوي انت ليش تأخرت اليوم ؟

انت : نفس الاجابه


المديره : فديتك عيوني طبعا الصوت ناعم والويه سموح والخجيل يقطر منها والنظرات العجيبه على جنب وتقول لك فديتك والله بليز من شان خاطري لاتتأخر مره ثانيه وتنزل عيونها الى الارض :)



___________________

عليك الله


ايهما افضل ؟؟:)

امبيه جني طولت وسويتها حلقه مكسيكيه

[VIP]

ها ليدر اشوف التحيز صار

...........!! ماني فاهم هالنقطه :)

انا ما تحاسبني مره ........... تهباااا

هههههههههههههههههههههه


لكن وجهة نظر وانا اساساً ضد أي شخص كان يسلم إدارة او وزارة الى مرأة
وبالنسبة للوساطه ماشية غصب من ورا خشم سواءً كان رجل او مرأة المدير :)

وياكثر كتاباتج رديت عليهم بأختصار لأن تدري ما احب اكتب ههههههههههههههههههههههههه

عموماً موضوع حلو ويستحق النقاش .

[الحيرااان]

آسيل5

موضوعج وايد حلووو

وفعلا نحتاج الى سماع أراء ووجهات النظر مهما كانت

وبصراحه حكمي ع الموضوع يمكن يكون ضعيف والسبه

أنه أيااام العز والوز أياام الوظيفة اقصد

حصل أن المشرف العااام الله يذكره بالخير حاااضر وغائب

أخذ أجازة

وقال: راااح تصير........ مسئوله عنكم أثناء أجازتي أبيكم تبيضون ويهي

وكانت تجربه أستمرت شهرين تقريبا...غيرت عندي نظرتي للبنت الموظفة

بيني وبينكم بألاول توقعت أنها ماراااح تنجح بأدارة القسم بس اللي شفته

أدهشني وخلاني أعترف لها

وأنا الى اليوم مازلت أذكرها بالخير

بأنتظااار بقية الأعضااااء

[Nathyaa]

انا ما تحاسبني مره ........... تهباااا

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


طالعه من قلب

[kwety]

فعلا المرأه اثبتت جدارتها

لكن ليس معناه ان تتوله جميع المناصب

نعم بوزاراة معينه

مثل التربيه اشؤون

ووزارة ذات طبع خدمي

اما وزارات ذات طابع ميداني فلا اوافق ان تكون مسؤوله ولا موظفه بها

اما عن وزارة فهذا برئي اكبل خطأ

ما يصير وزيره

الوزاره سياده والسياده تحتاج الى رجال لا قلوب مرهفه بالحنان

طبعا هذي مو اهانه للمراه

هذا فخر لها انها معروفه بقلبها الحنونه

اما مسؤولي تكون مرأه فهذا شي صعب على الرجل

فهذا شي مستحيل ان استحمله

يعني المراه تخصم من معاشي

وتحاسبني ههههههههههههههه

هذا شي صعب جدا على الرجل



لكن انا اعرف شخص زوجته مسؤوله عليه

ومع هذا متفاهمين وهو يضحق يقول رقم انها مسؤوله

الا انها ما تستطيع ان تخفي مشاعرها

يعني يدش المكتب عندها تقوله حبيبي لو ما عليك امر روح صولي هل اوراق

هههههههههههههههههههه لكن الحمد لله مافي مشاكل بينهم

الحب وما يسوي


لكن ناخذ الوضع بعقلانيه

هناك امور ياخذها الرجل مخالفه للقانون

تحمي افراد المجتمع

المراه ومنصب بعد لا طبق القانون

راح تقولون اي طبق القانون

راح اقولكم قانون وضعي

مو شريعه

على العموم هذي وجهة نظري

بس حبيت اقول شي

عندما كنت طالب

كنت جالس اتريق بسيارتي لين يخلص طابور المدرسه

جاني رفيجي متضايق قلت له اشفيك

قال الناظر يقولي ما راح اخليك تسجل مواد دور مدرسه ثانيه

قلت اركب خل نشتكي بالمنطقه التعليميه

رحنه دخلت على مسؤول رجل قالي ببرود دور مدرسه ثانيه الناظر ما يبيك

طبعا ما سكت دخل على المسؤوله

طبعا ما صدقت انها مسؤوله طفله صغيره جالسه بمكتب ضخم

قلت لها السالفه وقلت الناظر طاردنه ويقول روحوا القهاوي شربوا شيشه احسلكم

ما قصرت قامة من مكتبها وركبت سيارتها وراحت المدرسه

وامسحت بالناظر بالبلاط وخلته بيزه وما يسوه

وفعلا من دخلنه المدرسه استقبلنه الناظر استقبال الابطال

استقبال من حرروا فلسطين

وسجل لصديقي المواد الي يبيها

طبعا هذي السالفه اقولها لكم على شان محد يحس اني مستخف بالمراه

واسف على الاطاله

وشكرا

[آسيل5]

السلام عليكم ورحمة الله وبركاته

أن الإسلام كرم المرأة وأعطاها كامل حقوقها ولم يمنعها أن تعمل بل حثها على العمل في بيتها

إذ أن البيت وتربية الأطفال هي وظيفتها الأولى , والعمل خارج المنزل هو للضرورة فقط

فإذا انتفت الضرورة كانت القاعدة الأساسية هى قوله تعالى

" وقرن في بيوتكن ولا تبرجن تبرج الجاهلية الأولى . واتقين الله "

" أن النساء شقائق الرجال وللرجال عليهن درجة "

لاأنكر ذلك أبدا أبدا لها واجباتها عليه وله واجباته عليها في حق القوامة المشرعة من الله الكريم

. حقا لقد دفعت المرأة ضريبة فادحة الثمن للتطور الحاصل ويكفي أن أشير في إيجاز

إلى الخطاء الأكبر الذي شوه نهضتنا , وأعني انحراف المرأة الجديدة عن طريقها الطبيعي

وترفعها عن التفرغ لما نسميه ( خدمة البيوت وتربية الأجيال )

وهانحن نرى البيوت أصبحت مقفرة منهن , أما الأبناء وتربيتهم فتركوا للخدم

وبلغ من سوء ما وصلت أليه أن نادت مناديات بحذف نون النسوة ( وتاء التأنيث )

كأنما الأنوثة نقص ومذلة وعار وأهدر الأعتراف بالأمومة كعمل من الأعمال الأصلية لنا

حتى سمعنا من يسأل , كيف تعيش أمة برئة معطلة

يقصدون بالرئة المعطلة هؤلاء الباقيات في بيوتهن يرعين الأطفال

وزعموا أن المرأة تستطيع أن تجمع بين عملها في البيت ووظيفتها في الخارج

لقد كرم الله النساء بكامل حقوقهن والشرح يطول ويحتاج إلى وقفات كثيرة

هذا رأيي.


Vip + نثية + حيران وكويتي لكم الف شكر لتفاعلكم مع الموضوع ودمتم بخير وعافية.

[Nathyaa]

ياجماعه اشفيكم دخلتو الدين بالموضوع

اولا لحظه اهلي بكويتي

هلااااااااااااااااا وغلااااااااااااااااااا كويتي

هلا بهالطله الحلوه

وين هالغيبه اشتقنا لك والله

اشم ريحة بخور اول مادخلت المنتدى

قلت اكيد الباشا كويتي موجود :)

هلا فيك والله

نخش بالموضوع

الموضوع ياجماعه ماله شغل بالدين

اذا تبونها بالدين

فالحلال بين والحرام بين

مالنا كلام بعد كلام الدين

على قولة حسين رضا في احد مسرحياته

لي حجا الشرع الكل ياكل ....


انتهينا من الشرع


نروح حق صلب الموضوع

وهو هل الرجل يقبل ان تكون مرؤوسته امرأه ؟؟


كويتي

والله كلامك على عيني وراسي انا متفقه معاك بكل شي الا نقطه وحده

يعني المراه تخصم من معاشي وتحاسبني ههههههههههههههه هذا شي صعب جدا على الرجل

ليش ؟؟

الحين كاهم الحريم يحاسبونكم بالبيت

اشفيها يعني لما يلفتون نظركم لمخالفه بالدوام ؟

انا مااتحيز لبني جنسي والله

ولعلمك الخاص

انا ضد المرأه اللي تشتغل وتطلع من بيتها

بس انا قاعده اتكلم عن رفضكم انها ترئسكم


ياريت اخوي كويتي توضح لنا وجهة نظرك في سبب رفضك

[خـــالـــد]

احنى بزمن لازم تتقبل الي يصير

واذا كانت المرأه رئيستك بالعمل شنو يعني الي وصلها الشهاده


بس بالنسبه لي انا لو تكون رئيستي امرأه


اقدم استقالتي من العمل