صبحكم الله بالخير ..
الا يدش بليل بقوله هالشطر صراحه..
مساء اللي تبين انتي على كيفك صباح الخير ( للبنات )
اما الشباب بقولهم الظاهر الساعه خربانه لوووووووول
على العموم قصيده روعه .. للعلم منقوله
يقول..
الغياب اللى قهرني يمكن انـك مـا دريتـه
................................والغياب اللى ذبحني يمكن انـك فيـه داري
غبت من ليلي حسايف والعنا كلـه سريتـه
................................الوله دمي ونبضي وكل شوق جاك سـاري
ما بقى دمع بعينـي فـي غيابـك مابكيتـه
...............................وروح تبكي في يميني وقلب يبكي في يساري
ياعذابي من غيابك في غيابـك مـا قويتـه
...............................ارتجف برد الوله واحترق و الشوق نـاري
مات شعري في غيابـك لا ولاحتـى رثيتـه
...............................ولا رثا فجري ظلامي ولارثا ليلـي نهـاري
الجفاف اللى بعمري ليت بطيوفـك رويتـه
...............................يا رذاذ العمر قلي وش بقـى غيرانكسـاري
كل شوكٍ في خريف البعد لعيونـك وطيتـه
.............................مارحمني شوك بعدك لا ولاشوك الصحـاري
ما طويت اليأس منـك لا ولاحتـى طويتـه
............................ولو يفوت العمر فدوة بس يبقى فيك شاري
أسقني شربة حروفك ولو تبي قلبي عطيتـه
.............................بس يكفيني غيابك بـس ياطـول انتظـاري
انت يا مقصد حروفي وانت بس اللى عنيته
.............................وانت يافرحه وجودي وانت يا زود افتخاري
ان كتبت الشعر لجلك كل عالي لـك رقيتـه
..............................وان قصدت الشعرغيرك ااه ياسهل انحداري
وان تغزلت بجنابك كل غالـي لـك جنيتـه
................................لك نزيف جروح قلبي ياوطن عمري وداري
وصح لسان قايلها ولا هان..
حقوق الطبع محفوظه .. أقشر
سي يو
02-06-2006, 01:51 AM
