تقول وحده من الأمهات .. كنت معزومة على حفل عشاء و بنتي الصغيرة معاي ،
فلما جلسنا حول البوفيه ظنتنا في مطعم وقالت بصوت عال : هذا الأكل بفلوس و إلا
ببلاش؟؟ فضحكوا عليها الحاضرات..
.. ................................................ ...........
والثانية ... جانا ضيوف وجابوا معهم هديه للمولود الجديد فكان ابني يريد فتحها
فقلت له ( اصبر حتى يروحوا ) صار يدخل ويطلع ولما مل الولد من الانتظار دخل
وقال بصوت عالي .... (خلاص أبفتحها شكلهم بينامون عندنا) !!!!
.. ................................................ ...........
وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت
لولدي حب رأسها فرفض وقال : لا ريحة رأسها شينه !!!
.................................................. ...........
وحدة تقول :
هذه من جد يبغالها بالشنطه على رأسها...أخذت من أختي شنطه ورحنا لحفله ومعنا
بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة
وهي تقول ) حقت ماما هاتيها !!! وأنا أحاول أسكتها ... !!!
.. ................................................ ...........
و وحده تقول .. زوجي كان عنده ضيوف على العشاء وحطيت العشاء كله لهم وكان ولدي
يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي
دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!!
شوفوا وجه أبوه وقتها ....!!!
. ................................................. ...........
وحده تقول ....بنتها دايم تحرجها بنقل الكلام قدام الناس ياماما هذا عيب اللي يحش
بالناس - تقول : مره كنت أكلم صديقتي بالهاتف وكنت أقولها عن وحده من جاراتي
وإني ما أطيقها دمها ثقيل وإذا جت تجلس عندي بالساعات في بيتي وتحب الكلام
ا لكثير ومره دق الباب وطلعت جارتي قلت لها : تفضلي وجتها بنتي الصغيرة وقالت
بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش
تدخلينها البيت ..!!! تقول الأم : صار وجهي مية لون ..!!!! ويوم سمعت جارتي
هذا الكلام زعلت وطلعت من البيت ....!!!
. ................................................. ...........
تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى
ا لاستراحات وكان أمامنا طفلين , الأول يقول للثاني : أنا اسم أمي فاطمة , ايش
ا سم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما
!!! وهاتك ضحك وحنا نصلي استغـفـر الله ما قدرنا نمسك الضحكة .!!!
.................................................. ...........
في المدرسة ...كانت المعلمة تشرح لطالبات الصف الثالث الابتدائي عن وسائل
الاتصال الحديثة مثل الهاتف والتلكس والبريد الجوي والفاكس فرفعت إحدى
الطالبات الصغيرات يدها وقالت: أبله حنا عندنا فاكس في البيت عند جدتي
وتستعمله كل يوم....!! فشجعتها المدرسة على إكمال حديثها وقالت: وكيف
تستخدمونه؟؟؟ فقالت الطفلة: تدهن به ...-البنت بالطبع كانت تقصد دهون الفكس-....!!!!!
. ................................................. ...........
إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها
ويحرص على إبقاء الديك في الخارج وعندما سألته عن السبب قال: ذولا حريم ما
يطـلعـن من البيت ويشوفن الرجال....!!
. ................................................. ...........
أيضاً في المدرسة ...طفلة في الروضة كانت تحوس بأنفها بشكل مقرف
أثناء اللدرس ...
فانتقدتها المعلمة وقالت لها استعملي المنديل عيب اتسوين كذا فأجابت الطفلة
لا مو عيب !! بابا دايماً يسوي كذا !!!!
.................................................. ...........
جاء بيكحلها عماها ... العائلة جاتها دعوه للعشاء عند أحد أقارب الزوج وأثناء تناول
ا ا لطعام كانت صاحبة البيت تضايق الأم وتصر عليها أن تأكل صحن ثاني بينما كانت
تتمنع فرد الطفل بلهفة لإنقاذ أمه من الوهقه .... (( لا تحطين لها صحن ثاني
ترى أبوي يقولها لا تكثرين أكل انتفختي !!! ))
.................................................. .....
ووحدة سببت بنتها الصغيرة بزعل كبير بينها وبين والدها كادت تؤدي للطلاق
طبعاً الزوج ماياكل أكل الشغاله وشرط عليهامن بداية زواجه تطبخ لأنه متعود على طبخ أمه
وينقرف من أكل الخدم.. والزوجة تخدعه وماتطبخ وتتكل على الشغالة لأنه
مايدري في العمل وتطبخ بس خميس وجمعة واستمر الحال سنوات حتى انكشف أمرها
جلس يتغدى وصارت الصغيرة تسولف بغامراتها اليومية ببيت خالتها وكيف ولد خالتها ضربها براسها
فسألها متى ضربك قالت قبل شوي كنا من الصباح عندهم وتونا نجي
قال بتعجب أجل الغداء مين طبخه؟
ارتبكت الأم وقالت لاجيت 11 الظهر وطبخت الغداء
التفتت الصغيرة لأمها وهي مستعجبة ماما آسيا كل يوم تطبخ
واحنا كل يوم عند خالتي الكذب حرام ماما
.................................................. ..
وحده تقول ولدي الصغير يحرجني اذا زارتني صديقاتي
جت وحده منهن للزيارة وفتح لها الباب فقبلته مع خده فمسح خده
بالحال وقال( انتي يا........... و شتبين أقلبي وجهك المرعب أشوف يالا )
تقول لحظه حرجة لاأنساها
الله لايحطكم بالمواقف هذي
لا ويقولولنا امهاتنا يبو عيال بعد الحين عرفتو ليش
يبون يردونها فيكم ...
<<< وحده بوحده...
11-07-2006, 11:07 AM
المواضيع المتشابهه
