تــعالي..!! قمة بالروعة

[aqshar]

بسـم الله الرحمن الرحيم ....
السـّلام عليكم ورحمة الله وبـركاته ....
حبـيت أنقـل لكم هالـقصيده وهي لـصديق عزيز علي وانا إبصـراحه القـصيده أعجبتني جدا ً .. وحبيت أنكم تقرونها
وتقـول :

تعالي نكشف أوراق المحبه والحكم جمهور
..........................تعالي نعرف المجني عليه ونعرف الجاني

تعالي نكشف الخافي تعالي نكشف المستور
..........................تعالي ورّي العالم طريقك وين وداني

تعالي روحتك غلطه ودمي من خطاك يفور
.........................تعالي يابعد ضلعٍ يغطّي تاج شرياني

سألتك بالذي ناجى نبيّه من خلاف الطور
........................وش اللي مشغلٍ قلبك علامه يوم ينساني

تناسى وابتعد عني وبدّل طيبته بالجور
........................عجزت أستوعب الصدمه دخيلك كيف خلاني . ؟

تعالي نكشف الغادر ونعرف منهو المغدور
........................تعالي واجلبي عذرٍ قصر ماهز وجداني

تعالي وانتخي فيني تعالي والرجال تثور
........................تعالي مانخذل منهو دخل في وجه مطراني

سباعٍ نفني أعمار الرجال وفعلنا مخبور
........................سباق الطيب فزنابه رفضنا المركز الثاني

تعالي فدوتك راس العقيد وحنكته والشور
........................تعالي واقهري ظرف الزمان اللي تحداني

تعالي والغلا طفلٍ تربى واحضنته صدور
........................تعالي مزنتن فيها تباشر جدب قيعاني

تعالي خافقي عقبك حرام إنه سواة البور
........................يموت الورد بغيابك يموت اللين باغصاني

تعالي ضمدي جرحي تعالي والخطا مغفور
........................تعالي واقتلي همٍ سكنّي لين بكاني

تعالي برري صدٍ يجي عمره ثمان شهور
........................تعالي نعنبو وقتٍ تعذر فيك واقصاني

تعالي حالتي قشرى ولا ينفع بها دكتور
........................تعالي نعنبو جدك مدامه عمرنا فاني

تعالي وانطقي قولي عساك من التعب ماجور
........................يطيب الحال لاقلتي وارد لسالف ازماني

تعالي فدوتك قلبٍ نزفلك من غلاه شعور
........................تعالي فدوتك عاذل يحسب الحب مجاني

يشوف إنه مهو بحبه وعشقه والغلا مجبور
........................إذا شحّ الزمن قفى ودّور واحدٍ ثاني

يجدد بالهوى دايم يلف بعشقته ويدور
........................يقول إن الغلا عنده كلام يقال بلساني

تعالي والحقي قلبٍ غدى في غيبتك مخطور
........................تعالي واقهري ظرفك تعبت آعيش حرماني

تعالي بددي ظلما زماني بالغلا والنور
........................تعالي يابعد وقتٍ حرمني منك واشقاني

تعالي واقهري عاذل غدى في غيبتك مسرور
........................تعالي وامسحي دمعٍ تباشر فيه عدواني

والا وان عيت ظروفك وحالت في لقاك دهور
........................أنا برحل من الدنيا وبنهي قصة أحزاني

ولكن قبل ماوادع ابطلب والطلب مقدور
........................أمانه ارسلي قطعة قماشٍ منك لاكفاني

 

 

[فتاة الاسلام]

........................أنا برحل من الدنيا وبنهي قصة أحزاني ولكن قبل ماوادع ابطلب والطلب مقدور ........................أمانه ارسلي قطعة قماشٍ منك لاكفاني

الله اقشر قسم بالله انه في قمه الروعه
والله اني قريتها ثلاث مرات حتى ناديت خواتي اقراها لهم
صراحه قمه الروعه ،،

صح لسانك ولسانها ،،

[aqshar]

يسلمووووووووووووووو فتاة انتي اللي في قمة الروعه صراحه وذوقج الراقي..

ماسوينا شي حق وواجب..

حقوق الطبع محفوظه .. أقشر
سي يو

[OK]

صح لسانك ولسان من قالها ..

والف شكر على نقلك لها ..

ولا تحرمنا من جديدك يا شاعرنا ..

وتقبل فائق احترامى وتقديرى..

[aqshar]

ياسلااااااام الاداره بكبرها زايرتنا اهني.؟ لنا الشرف والله حيالله من جانا يامرحبااا

هلا والله أوكي.. الله يعافيك من كل شر

حقوق الطبع محفوظه.. أقشر
سي يو

[aqshar]

تعالي وانتخي فيني تعالي والرجال تثور
........................تعالي مانخذل منهو دخل في وجه مطراني

سباعٍ نفني أعمار الرجال وفعلنا مخبور
........................سباق الطيب فزنابه رفضنا المركز الثاني

يأأأأأ سلأأأأأأأأم عليك صح لسانك..

حقوق الطبع محفوظه .. أقشر
سي يو

[أنـــــوسـه ^_^]

كلمات ولا اروع تسلم ايدك على النقل الحلو

[aqshar]

مرورج اروع وتسلمين على هالطله ..

حقوق الطبع محفوظه .. أقشر
سي يو

[lolowa]

يه يه يه شنو هل الروعه الصراحه ابدعت عاش عاش شاعرنا الغالي



والبيتين اعجبوووني حيييييل حييييل ويسلمو


تعالي نكشف أوراق المحبه والحكم جمهور
..........................تعالي نعرف المجني عليه ونعرف الجاني

تعالي نكشف الخافي تعالي نكشف المستور
..........................تعالي ورّي العالم طريقك وين وداني

[مجرمة قديمة]

مشكووووووووووور اخوى على النقل الرائع