بعد تخرجي من الثنويه موقف حلو

[al_maqrooo9_6]

السلام عليكم اخواني واخواتي الاعضاء

طبعا كلنا نذكر ايام المدرسه صج احلا ايام:a82:

بقولكم قصتي وشصار معاي بالتفصيل الممل بس كملو القصه مو تكشتون

انا طبعا لما كنت في الصف الرابع الثنوي علمي ========>اشخ ويا ويهه:a69:


طبعا قبل لا انجح ربعي كانو يحنوون علي يقولون لي عيد السنه عشان تييب نسبه عاليه وانا قلت ما اعيدها بفتك من هالدراسه

المهم بعد مابدت الدراسه بشهر

قمت يوم الصبح والبس لبس المدرسه (قميص ابيض وبنطرون رمادي) وقتها كنا نكره هاللبس بس عقب ماتخرجنا اشتقناله

رحت المدرسه من الصبح وشافوني ربعي يقولون مبروك بتعيدها زين ومستانسيين

وقفت بالطابور وحينا العلم (تحيا الكويت_عاش الامير_تحيا الامه العربيه) والله ايام

المهم دخلنا الحصه الاولى طبعا رحت صفي اللي اصلا مافي غيره رابعه علمي بس واحد وعدد طلابه ميتعدون ال29

اول حصه من قرادتي اطلعت حصة الفيزياء مدرسنا حده خواف يخاف من الناظر وقتها

المهم قعدت على اخر مقعد (حلوه مقعد ) :a58:

يمي واحد من ربعي اللي اسقطو وعادو السنه

المهم قعدت طبعا ماسلمت على استاذ خيري مدرس الفيزياء

قعد يشرح اخر شي والا ايي يسلم علي يقولي وينك ليش ماداومت من اول الكورس

قلتله الحين داومت

والا رفيجي يقولي تخيل الحين يدش الناظر علينا قلتله لا يبا مو وقته :a60:

وكنت حاط جدامي اورقه اشخبط فيها =========> ياكثر شخابيطه موصخ كل الطاولات:a82:

شوي والا يدش الناظر:sa7l. (18

والحبيب مالقا غير انه ايي عندي ورا ويحط ايده على كرسيي ويقعد يطالع شرح الاستاذ

عاد حدي خفت يسالني ليش مويايب كتبك ويتليقف استاذ خيري ويقوله انه توه اليوم اول يوم يداوم عندنا

راح يدري الناظر ان مافي طالب يديد اليوم داوم واتفشل جدام اليهالو اللي بالصف وانطرد

المهم طلع الناظر وخلصت الحصه

والا اقولهم مع السلامه بروح

طلعت والقا واحد من الربع قال امش اوصلك باب المدرسه

مشينا تونا نبي نطلع والا نشوف الناظر والوكيل والحبايب قاعدين بغرفه مجابلين باب المدرسه:a59:

شلون بطلع الحين توهقت

والا نروح نقعد بالمسرح مال المدرسه اللي دايما يخلونه مطعم مادري ليش مسوينه مسرح ماعمرنا شفنا فيه شي

شوي نبي نطلع والا نشوف استاذ الالعاب عبدالله والا يسلم علينا ويقولنا تعالو ودو الكور غرفة الرياضه

للحين يكدشونا حتى لما تخرجت افففففففف :a71:

وبالاخير طلعت وكان الله غفورا رحيما

واشكركم عالقرائه

وانتظر الردود

سلام

 

 

[Nathyaa]

ههههههههههههههههههههههههه

والله ايام حلوه


تسلم ايدك

[al_maqrooo9_6]

تسلمين اخت Nathyaa المرور الكريم

[مجرمة قديمة]

ههههههههههههههههههههه

احلى ايام والله :)

يسلموووووو غلاى

[al_maqrooo9_6]

اي والله احلا ايام

الا ليت الشباب يعود يوما:)

شكرا لج