كم رضيت اسكت عليك من القهر وأ نتي زعوله
خايف أ ضحك وأ ستفزك أهجرك أعيش ذايب
ادعيت إ نك خجولة وادري إن ما أنتي خجولة
وادري انك تخجلين الشمس من فوق السحايب
ما يحببني بقلبك يالهنوف إلا فضوله
وما ينسيني غرامك غير تكرار المصايب
عاشقه جيتي ورحتي يا لحبيبه يالعذوله
ما بنيتي لي طموح ولا تركتيها خرايب
تستبيحين القلوب وتستحقين البطولة
واستحق أعيش بعدك تايب أموت تايب
يا كثر ما شال قلبي شيء اكبر من حموله
ولا عفيتي عن غلاه ولا بخل لك بالوهايب
كنه ارحم من همال المزن للزهر بذبوله
وانتي اقسى من سموم القيض وكفوف اللهايب
وانتي ادرى في غلاك بداخلي وش اللي يزوله
وادخلي دخله على الله واحفظي ذيك السبايب
ما خبرت اللحظه اللي حللت قربك اتحوله
ولا هقيت اني بشدد للجفا قلب وركايب
ما هقيت انك تحبين الزلل وانتي جفوله
وما هقيت انك تكرهيني كثر حبك للطلايب
كن قلبي في وصالك وابل لحظة نزوله
وفي فراقك مثل دمعة تنحدر من عين شايب
كنت ابي وقفة حبيبه تنهض القلب بخموله
طامح بالعشق وانتي عايبه والحب عايب
كنت غصن كل كف غير كفك ما يطوله
وكنت درب ودمعتين وقلب وجروح عطايب
كنت ابيع العمر كله وارخصه عرضه وطوله
للعيون اللي هدبها ثامن السبع العجايب
بس ابي ارضيلك غرورك واكسر القلب بذهوله
وقتها ما كنت افكر صايب او كنت خايب
والرجل لو ما تحلى بالشهامه والرجوله
صدقيني صعب يقدر يملك قلوب الحبايب
صدقيني ما يوالف خافق البنت بسهوله
بالهوى يابنت حواء غير طلاب النشايب
والسهر والعشق الاول والهوى واللي ينوله
شيء اقسى من همومك والعنه حاضر وغايب
والهموم اللي دعتني من بعد سن الطفوله
كلها من تحت راس العشق ملعون الصلايب
للشاعر حامد زيد
26-06-2005, 11:13 AM
البطووووله
