اللي يبينا عيّت النفس تبغيه

[Nathyaa]

[frame="7 80"]اللي يبينا عيّت النفس تبغيه

..

واللي نبيه عيّـا البخت لايجيبه .

بلغت بعض ابيات الشعر من الشهرة الواسعة ما جعلها ترسخ في اذهان الناس وتستخدم كمثل شعبي يستشهد به في المواقف والاحداث ومن الابيات الشهيرة التي يرددها ابناء الخليج البيت

القائل :


اللي يبينا عيت النفس تبغيه
واللي نبي عيا البخت لايجيبه


وقد اصبح هذا البيت مثلا دارجا بين الناس ولكن ما يجهله مرددوه هو قصة هذا البيت الذائع الصيت فهو بيت من قصيدة للشاعرة نورة الحوشان حيث كانت تعيش مع زوجها عبود بن علي بن سويلم وقد وقع بينهما خلاف ادى الى طلاقها طلاقا لا رجعة فيه وبعد الطلاق تقدم الكثير طالبين الزواج منها حيث انها امرأة جميلة ومن عائلة معروفة وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي وذات يوم كانت تسير على طريق يمر بمزرعته وبصحبتها أولادها منه عندما مرت بمزرعته رأته فوقفت على ناحية المزرعة وانطلق الاولاد للسلام على ابيهم وبقيت تنتظرهم الى ان رجعوا اليها فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعد طلاقها ورفضها لهم فقالت قصيدة مؤثرة مطلعها :




يا عين هلي صافي الدمع هليه
واليا انتهى صافيه هاتي سريبه
يا عين شوفي زرع خلك وراعيه
شوفي معاويده وشوفي قليبه
من أول دايم لرايه نماليه
واليوم جيتّهم علينا صعيـبه
وان مرني بالدرب ما اقدر احاكيه
مصيبة يا كبرها من مصيبة
اللي يبينا عيت النفس تـبغيه
واللي نبي عيا البخت لا يجيبه[/frame]

 

 

[بنت الامارات]

نثيه الغاليه
مشكوره والله يبارك فيج ان شالله
ويبارك الجميع ان شالله

[Nathyaa]

بنوته :

تسلمين حبي علي هالطله الحلوه

ومبروك عليج التوقيع اليديد بصراحه روعه ياقلبي

[~*~عاطفية~*~]

تسلمين نثيه

والف شكر على الموضوع

[Nathyaa]

ميسو :

الف شكر لهالطله الحلوه

[Abdulaziz]

مشكورة نثيه وما قصرتي خيتي،،،،،

عزوز،،،

[Nathyaa]

عزوز :

يسلمووووووووووووو يارائع علي هالطله العسل

[MooooN]

صح هذا حال الدنيا الي نبيه مايبينا ولي يبينا مانبيه دنيا صعبه تسلمين مع انج .....
خلاص ماقدر خنقتني العبره..لووووول..
(,,,,,,,,)هذي دموعي بس شوي مقلوبه.

[Nathyaa]

مووون ،


الف شكر علي مرورك الرائع

[عاشق الذكريات]

يا عين هلي صافي الدمع هليه
واليا انتهى صافيه هاتي سريبه
يا عين شوفي زرع خلك وراعيه
شوفي معاويده وشوفي قليبه
من أول دايم لرايه نماليه
واليوم جيتّهم علينا صعيـبه
وان مرني بالدرب ما اقدر احاكيه
مصيبة يا كبرها من مصيبة
اللي يبينا عيت النفس تـبغيه
واللي نبي عيا البخت لا يجيبه




يسلمو نثيه

تحياتى عشووووووق