مظاهرة منع الشباب دخول المولات فيديو يعني وين يروحون المساكين

[Nathyaa]

فديتكم والله

بما ان وجهة نظرج وداد انتي مع سويديه متشبابهه

فانا راح ارد عليكم مع بعض


انا معاكم ان الشباب دايما يضايقون البنات

بس هم تعالوا نفكر شوي

كل مكان مكتوب عليه للعائلات

العاب - مطاعم - اسواق - مجمعات - صالات سينما - ... الخ

طبعا انا اتكلم عن اغلب الدول الخليجيه

طيب حرام وين يروحون يعني ؟؟

هذول هم عيالنا وخوانا

انتي تدرين بالفتره الاخيره شنو قاعدين يسوون

يشوفون سيلانيه ماشيه يم المجمع يعطونها دينار ويقولون لها دشي معانا وبعدين روحي

بس يدشون تمشي السيلانيه

طيب خلونا نفكر فيهم شوي

ليش نخليهم يسافرون برا ؟؟

المفروض من الحكومات او المشاريع السياحيه تفتح اماكن مخصصه للشباب تسليه والعاب ومطاعم و.... الخ

الحين خلينا نفترض ان اخوج يبي يروح المجمنع يشتري له ملابس

ومنعوه من الدخول

طيب اشلون يشتري ؟؟

لازم يفتحون اقسام خاصه للرجال


تسلمون لي يارب على مروركم العسل

[فتاة الاسلام]

مشكوره اختي .

[Nathyaa]

اسعدني مرورك وتواصلك المشرف

[بنت السويدي]

نثيوووووه حتى لو المكان مخصص للشباب بعد مايسدهم لازم مكان فيه بنات وانا ما انكر ان بعد البنات هم حركات خخخخخخخخخخخخخخخخ والله دايما اشوف بعيني واقعد اطالع بنااات خخخخخخخخخخخخخخخخ



اذكرت موقف كنت فالعين مول والله انا قاعده وين المطاعم والله شفت بنتين الله لا يراويج شو مسويات بعمارهم يعني كل شي كان عالمكشوف << حركاتهم ونظراتهم ومشيتهم انا بس قاعده مكاني واضحك واقول حق غفران شوفي البنتين ههههههههههههههه والله ناس عجب الصراحه



ونثيووه بعدين مب كل الشباب الي بيروحون امكان مخصصه لهم بالعكس هم يحبون الاماكن الي فيها عايلات


نثيووووه انتي تعرفين هم ليش يسافروون خاري مايحتاي افسرلج اكثر :)

[Nathyaa]

هههههههههههههههه

الغلط مشترك بين الرجال والبنات

بس ليش يمنعوهم ؟؟

عندج مثلا في ااكن بالسعوديه بجده

تكون ثلا مدينة ملاهي نقسمه الى قسمين

قسم للنساء وقسم للشباب

ليش ايسوون جذي في الاماكن الثانيه ثل المجمعات مثلا ؟؟

[بنت السويدي]

لا والله يا نثيووه

كادين عليج يسولج نفس الالعاب بالقسمين خخخخخخخخخخخخخخخخخخخخ


والله يا نثيووه رمسي من اليوم لين باجر محد بيسمعج

ههههههههههههههههه فاحسن شي خليج بعيد عن عوار الراس

الصراحه انا تعودت ( طنش تعش )

[Nathyaa]

هههههههههههههههههههههههه

اي والله كادين على هههههههههههههههه


بس ياقلبي حرام جذي يسوون بشبابنا

طيب وين يروحون ؟؟

[وداد]

نثيه غريبه انا موشايفه عندنا وايد هالشي يعني
المجمعات والسينما وغيرها كلها عادي يعني السينما بس مقسم اماكن عائلات واماكن شباب وحتى المنتزهات او اماكن معينه مخصصين بس يوم معين للعائلات بس تره اكثر الاماكن مفتوحه عادي للكل, عندهم صالات البلياردو والنوادي خاصة النوادي يسجلون يلعبون رياضه ويحرقون طاقه ينفعهم
يعني انا شايفه انه اماكن وايد يقدرون يرفهون عن نفسهم
وتره سالفة السفر هاذي مو عشان والله مومخلينهم يدشون مول يمكن لبعض الدول مادري عنهم بس عندنا ماكووو
وبعدين السفر مفيد بس الواحد يكون نيته سليمه موشرط لازم الواحد يسافر بره عشان غرض معين لانه اللي باله شي هذا والله مو عشان مانعين عنه مول هذا سالفته جااايده ههههه
المهم بعيدا عن الامور السياسيه الساخنه
الشباب موناقصهم اماكن بس ناقصهم توعيه شويه هدف واضح تخطيط مرتب لحياته وكل اموره بتكون فوللي

وبخصوص شراء ملابسه بمااني ماشفت مول ممنوع للشباب لاني كل مكان اروح شايفتهم بويهي حتى بمحلات بيع ملابس نسائيه خاصه اشوفهم شكووووووووووو داااش ماادري المهم يعني في اماكن وايد يقدر يشتري (عاد من زين الملابس ولا دشاديش بس فتره صيف وفترة شتا ولا جنز وتيشرت)
شكرا لج نثيه

[Nathyaa]

فديت هالطله ياقلبي

انا قاعده اتكلم عن اغلب الدول وخصوصا بالسعوديه

اما بالنسبه للكويت فتصرفهم صحيح

ايا للنساء وايام للشباب مثل

المسيله - الترفيهيه - الاكوبارك

تسلمين ياعسل للمرور

[بنت السويدي]

انا اقولج وين يسيرون يستريحون فالبيت احسن خخخخخخخخخخخخخخخخخخخ



والله حاله هالشباب مشاكل الصراحه