مواطنون بلا هوية....البدون في الكويت

[ضيـف]

لا بالعكس تكلم ولك حرية الكلام
بس اذى حكمة فأعتدل
بس انت تتكلم على اخطائهم وعيوبهم
ليش ما تتكلم على انجازاتهم واصولهم

وبالنسبة لملاحظتك :

انت من كلامك مو ناقص تقول
في اب يرضى لابنه يشتغل عند الاشاره

ماراح ارد واتكلم فيها وابيك انت بنفسك تراجع كل كلمه قلتها عليهم

انا ماراح احاسبك
بس ان ظلمت ربك موجود فوقك

وبالعكس انا ما ابيك تسكت وابيك تتكلم بكل ما تشوفه بعينك لاني قريت في هذا المنتدى

جميع ما يطرح من مواضيع تعبر عن وجهة نظر كاتبها ولا تمثل وجهة نظر المنتدى بشكل عام

بس انت حاسب على كلامك لاني سمعت ان صاحب المنتدى انسان كبير واديب وفاهم ومتعلم
بس ما كنت اعرف انه حيل متعصب عليهم

منتداكم عجبني حيل ولو تلاحظ اني دائما موجود واقرى المواضيع فقط

[kuwait]

سلام عليكم
في اي بي يعني اهو لو ما اشتغل وطلع الفلوس اللي لبس منها وركب احسن سياره حكومتك تلبسه احسن لبس؟؟
لاخل هاذي تركبه احسن سياره من غير ما يشتغل؟؟
لا تقولي من خير الكويت اهو جاب الفلوس بسواعده
ومنو قالك كلهم عندهم جناسي؟؟
لا ياخوي في ناس من مواليد الكويت
وبأمكانه انه يشتري احسن جنسيه بس لانه يحب الارض اللي انولد عليها ما يبي اي جنسيه عنده يقعد بدون ولا يشتري اي جنسيه ثانيه
ليش هذا عشان منو مو لحبه للارض هاذي؟
ولا بعد
قاوم بالغزو ونأسر وفيهم ناس استشهدو للارض الطيبه
شنو عطته ديرتك؟؟
شنو عطته حكومتك؟؟
ولا شي
لا وفوق هاذا انفصل من داومه بحجت (لازم تعدل وضعك)
بس الحمد الله عالنعمه
ديرتك ديرت .....
ولا بلاش مانبي ندش بالسياسه اكثر
مشكورين

تحياتي


ابو هيـــــــــــا

[VIP]

جمايل
كلامج على العين والراس يوم جاء صدام مافرق اسر من اسر واسنشهد من استشهد
ولاكن من هم اللذين وقفوا معاه انا لا اقول الكل ولاكن نسبه كبيره اللتحقوا بالجيش الشعبي اشلون الحكومه تثق
بأن تصرف لهم . اما اللي تقولين عنهم اللي اسر واستشهد صرفت الحكومه لهم بعد العزو الحمد الله .

_________________________________
اخي العزيز الضيف
وجودك على العين والراس ما اختلفت معاك اللحين انا ابي اسألك قبل ما اكتب كلامي زعلك بشئ لو سمح الله هل انا غلطت على احد
نعم انا قلت الاطفال اللذين يقفون اما الاشارات والطرق السريعه اولاً حرام على الابو ان يترك اولاده ثانياً الشغله مو قانونيه .
انا شذنبي لو دعمت واحد واقف على اقدامه امام اشاره شارع رئيسي هذا اللي انا اقصده وليس ضحك او مزح.
ولاكن ارجوك انك تفهم كل كلمه اكتبها بارك الله فيك.

[ضيـف]

الاستاذه نثية
عارف معنى كلامج
بسس الاخ في اي بي حملتة قويه حيل على البدون
وطلع عيوبهم بس وانجازاتهم ما طلعها

بحاول اني اتجاهله لاني ما القى عنده اي تعطف لهم :)

بالنسبة لسؤالج

المفروض من الكويت انها تصير مثل اميركا اي واحد ينولد علي ارضها تجنسه

هذي تأثر حيل على الثقافه المحليه وعلى الديانه مثل ما حل بالدستور

اذى دشت مره بالكويت امريكيه وانجبت طفل وصار هذا الطفل كويتي بس ديانته مو مسلمه
شنو راح يصير بالمستقبل

اما الحل انا اقولج عليه

الحين مافي جنسية اولى وثانية .... والخ

عطه حق الجنسية مثل ما يستحق بس احرمه من اموور
مثل التصويت الانتخاب الاداره الداخليه من امور خاصه
وخله يعيش لاني بحتاجه بعدين بالهيكل الجذري للدوله
يمسك السلاح يدافع عن الوطن

هذي وجهة نظري

[VIP]

اخوي كويت
داش بقوه هههههههههههههه عزيزي انا اتكلم عن الموضوع ولاكن الشباب تطرقوا لأشياء ثانيه مثل اللبس وغيره
الحمدالله انعم الله علينا بنعمه وعندنا وعنهم خير ولسنا محتاجين وهذا بفضل الله
اذا طلع فلوسه من مجهوده لابأس ولاكن قانونياً وليس بالمخشوش وحكومتي وديرتي ديرة عز وديرة خير الله يديمها
اما اللي اسرو واللي استشهدوا نالوا الجنسيه كما ذكرت بأول الموضوع اخوي كويت :)

[Nathyaa]

ياجماعه انتوا مافهمتوا كلام ليدر

ليدر قسم البدون الي نوعين

النوع الاول : اللي يستحق الجنسيه وقام وحمل سلاح ( الحكومه جنسته )

النوع الثاني : الحكومه متأكده انه مو كفو الجنسيه ( لو يتم تجنيسهم )


++++++++++++++

خلاص بدام السالفه جذي خلي الحكومه تطردهم وفكونا من مشكله البدون اللي صارت بكل بيت وبكل شارع

ليش ماتطردهم الحكومه

سنه من السنين خلتهم علي الحدود

يبا خليها تطردهم اذا ماتبي تعطيهم الجنسيه

ليش العذاب

[ضيـف]

انا فاهم كلامك
لو نرجع لابونا ادم راح تكون انت وغيرك اخ لي

والي انت تتكلم عنهم صدقني هذوله عراقين ومن دول مجاوره تخفي جناسيهم على شان يعيشون بالكويت حالهم حال هذي الفئة الي هم من يستحقون هذا الشي

وفي من الجيش الشعبي من هم بدون ومن هم كويتين الجنسيه ومن هم سعودين
وكل منهم رحلوهم لديارهم
وانسحبة جناسيهم تحت بند خيانة دولة

واشلون اكتشفوا اساميهم بالتحرير حاولوا يحرقون الاوراق بكشف التسجيل للجيش الشعبي
بس ربك كان موجود واخذو الاوراق واتطلعوا عليها وعرفوهم


والي انت تشوفهم بالاسواق يتسكعون ويطرون فلوس والله هذوله من تجار الاقامات
يجيبونهم بكرت زياره وياخذون عليهم فلوس ويقطونهم يتسكعون وبعدها يردونهم

اقسم بالله العلي العظيم مره من المرات رحت ابي اشتري لولدي بلاي استيشن لانه نجح
وقلت ابي اخذه وياي على شان يختار السي دي الي يبيه
وبالمواقف السوق وتوقف مره مو كويتيه وسيارتها كامري الجديد والذهب واضح بايدها
وتنزل 3 بنات صغار اعمارهم بين 6 الي 11 سنه
وتتركهم بالاسواق وبالمجمعات يطرون
وليمن جتني البنت الصغيره قلت لها ما عندي خرده وانا على الفيزا اسحب مع العلم انا عندي
راحت البنت وسألت الولد شنو هذي البنت قالي امها كل يوم تقطها اهني وتروح وترجع باليل وتاخذهم
سالته شنو جنسيتها
قالي (سورية)
والناس كلها تعتقد ان هذوله بدون

وبالاخير يا اخوي في اي بي بالعكس انا اتقبل دايما الانتقاد بصدر رحب
والسلام ختام

[VIP]

نعم صحيح يعطيج الف عافيه على التوضيح ولاكن الاخوان ههههههههههههه كلامي يعتبر عام على البدون لا غلطانين
والله يجيب اللي فيه خير
اخي الضيف الرحمه والعطف مو عندي ومن الحكومه من الله سبحانه يطلب الرحمه والعطف :)

[ضيـف]

في اي بي

قاموا علينا ناس ثورية ..... همها تحط الشوك بجناحي
مات الرسول بدون جنسية ..... وانت قارنتني بزينب الضاحي

;)

الشاعر
(ذيب الشمري)

[VIP]

والله ونعم بالشاعر وناقل الشعر