.,. أنت.. شفا قلــب من الهم .,.,!
يامرحبا بك
عدد ماطار تمساح
او عدد..
ماتـنقش سنون نعامه
او عدد..
مايزعل على الموز تفاح
اوعدد..
قشر في بعير وسنامه
او دب امعط
لابغى يطير ماطاح
الا بجــرف بعيد ولا عــدامه
والا خروف دايم الدوم نواح
ضيع ثغاه..؟!
وجاب صوت الحمامه
يابنـــت
ما فيها كلام.. ولاسكوت.. ولاجدال
كلي قناعة
عاشقك قلبي.. وعقلي.. وجسدي
أشتاق.. وأولـه.. وأحترق
في ذمتك.. هذا عدال..؟!
وأنتي ولا أنتي سائله
ياغايبه عن موعدي
يعني عشان الخصر..
والمشيه أنوثه وأحتفال
طيب.. ترانا شايفين..
بس القهر وين نغدي؟
أنت.. شفا قلــب من الهم.. منصاب
وشوفــك يسلي..
حاملين المصايب
وأنا عليك أغار.. <ياسيد الأحباب>
يا أغلى من الدنيا وكل الحبايب
يا هيــه
لا تنظر لرسالتي بنظرة تعجاب
ترى العجب لاهل العجايب عجايب
سألت قلبي عنك تدري وش قال؟!
اغليه.. يعني اعشقه..
اعشقه.. يعني اموت فيه
يعني انا ميت مع عشقه بمرتبة الشرف
امشي معه من غير لا أين..
ولا كيف وليه
من حيث مايجرفني
اغمض عيوني وانجرف
إن قال: لا.. أقول: لا..
إن قال: إيـه.. أقول: إيـه
ماعرف ما أسمع ما أرى..
ما أرى ما أسمع ماعرف
لا يابعد عمري .. ويانـور عيني
(كلمات)
ماتروي صدر مخنوق
ابغى اكثر..اكثر..
سولفي واشعريني
أن مامعك غيري.. من الناس مخلوق
معك ابتدى عمري
وزانت سنيني
وصار لحياتي..
في وجودك معي ذووووووووق
ودك تشوف الحب؟؟
شـوف المرايـا
أنا اشهد انك في وصوفه تمتعـت!!
الـحـب خـالـد.. والمشاعر بقـايـا
دامك وفـي.. فـي خفوقـي تربعـت
بعدك؟ جميع اللي عشقونـي ورايـا
دامك شريت رضاي يا غايتي...بعت
كنت أكذب من يقول
((الحب نظرة))
بس عقب اللي حصل..!؟
فعلاً صحيح
صوبتني واصابتي من جد خطرة
ولو مخاف تلومني والله لـ أصيح
صرت أحس بداخلي تقول.. جمرة
حس بي يا صاحبي لجل أستريح
أنا دخيل الثلج..
والجمر والطيب!
ودخيل ليلً..
في يدينك ذهابـه!
يكفي عتب لا..
لا تسوق العذاريب
وصلك حبيبي
لا يطول غيابـــه
ولا تمتحنـي
مابقالي مطاليب
عود ترا طـولـــت
ماهــي طـلابــــــــه..!
أحبك ليش ما أحبك؟!
وأنا يكفي أحب الغير!!
إلى منه نطق بأسمك مثل ماتنطق شفاتي
ومن اللي بس يشغلني؟
يقدر يشغل التفكير!!
حشا والله... ماغيرك... شغلني بكل أوقاتي
حبيبي لا يجي ببالك
أنا وفيت.. مهما يصير
ترى كل الكلام اللي قريته بعض كلماتي!!
ياهيـــه
وش باقي على الدرب قل لي
إن كان لدروب الخطايا مسافات
أنا تعبت آقف بدربك واهلي
وابرح لجرحك في خفوقي.. مساحات
عذبت في شمسك مساريب ظلي
تقفي بي.. آهات
وتقبل بي.. آهات
وياهيـــه
منك وش بقى ما حصل لي
عزاااااه كان اللي بقى.. مثل ما فات
لو قالوا الناس:
((لك يوم ورح عش به))
حذفت عمري وراي
وجيت لك مسير
وقولي لرمشك
ليا جيت اتحرش به
يرحمني أشوي يا..
ملعونة الخيـــر
تخطي علي ..
واستسمحك ... وأترجاك
ضعفي هـواك ... وفطنتك ماتخونـك
رديت قلبـي عنك لاشك ..
هو جـاك
وجيتـك معه راضي بمقبـل طعونـك
ارجع واقول
أهــواك
وأهواك
وأهواك
وبكفيـك اتعـذب ... ولكـن بهونـك
من رموشـك في خفوقي
طعنتين و حربــه
الله يجازي..
رموشك.. والهدب.. وحرابك
والله أني ماتوقعت!؟
أنحني من ضربه
لين قالت لي رموشك
جيت والله جابك
كنت عايش قبل أشوفك..
في ظلام وغربه
صدقينـــي قبل أعرفك..
كنت ألوم غيابك
وينـــــك..؟؟!
وربي سالفه بين الحقيقة والخيال
مايتلمس.. ينشاف بس..
مثل الثريا والجدي
زينك يقول ويفعل ويترك..
بقايا كرنــفـــال
حتى المكان بغيبتك
ينور ويصبح عسجدي
الزيــن لا جاله مجال..
وقالوا.. وقالت.. وقــال
الزيــن عندك
يبتدي .. ثم ينتهي .. ثم يبتدي..!!
لو لك خطايــا.. من عيونك خطاياك
تسبي العقول.. وتستفز الحنايا
عين البشر لو ضيقت من زواياك
عيني تشوفك من جميع الزوايا
اضحك وضحكني وخذني لعيناك
منظر طبيعي.. أو عقد.. أو حتى مرايا
حاول تجيني حبيبي
وتجبر ظروفك
حاول حبيبي
ولو حتى جبر خاطر
عطني مبــرر
يوضح لي سبب خوفك؟!
وأعطيك مني وعد
ما يلحقك قاصر
أنتي حياتــي
وأنا حبك وملهوفك
وأنت الذي يالغلا تتدلل وتامــر
يسألك قلبي؟
وروحي تسألك؟
هو لنا ضمن اهتمامك اهتمام؟!
أنت يا (مالك) شعوري يا (ملك)
كل احلامي على دروبك تنام
ودي أشعل نار حبك وأشعلك
وتصبح الدنيا مواعيد وغرام
لو ظلمتيني بظلمك مااعدلك
واشعر ان الظلم من غيرك حرام
من غيرك اللي بس..
شد انتباهي
اللي يمشيني على..
كيف كيفه
من غيرك اللي كلمته..
في شفاهي
تروي ظما العطشان..
في عز صيفه
الزين يزهى بك..
وهو فيك زاهي
ومن لايشوف الزين..
عينه كفيفه
اي والله احبك..
ودينك وديني
اني أموت الفين مره.. من الشوق
اي والله احبك..
وبينك وبيني
لي دمعة حرى.. ولي قلب محروق
تبت يديني.. ثم تبت يديني
لا قلتي أحبك..
ولا طرت بك فوق
ودي تشوف الهـم وشلـون سـوى
في حال من حبك..
على غير مصلوح
وسويت بـقلبي شـي مـا ينتسـوى
وأقول:يا سيـد المماليـح..
مسمـوح
ليتـك بزلاتـك عـلـي تــروى
يوم ان حبي لك..
من الروح للـروح
إن كـان حبـل وصالنـا ماتقـوى
الله يعين عيون عاشقً على النـوح
ليش تزعــل؟!
وانت ماتعرف ظروفي
ليش ما تسمـع كلامـي.. للنهايـه
اقتنع بالعـذر.. ترضيكـم حلوفـي
والله ان اللي حصل
ماهو برضايــه
ما هقيتك تجفى القلب العطوفـي
لا يابو وجهين.. ما هـذا جزايـه!!
الزيــن طـاغــي
وانــا مـانــي بـويــاه
صــدرت ضـامــي غــلاك
وجــيــت وارد
شـبـيـك لـبـيـك
قـلــب الـعـبــد.. لـلــه
بـيـن أصـبـعـيـنـك غــدا..
خــادم و مــارد
اطـلـب وتـدلــل
فــداك الـلــي تـمـنــاه
لـو تـطـلـب..
الـشـمـس.. وسـهـيـل.. وعـطـارد
تعبت أرد المـــــوج
والبحر مجنون
وعجزت أطفي النار
والجمر غابه
رجيت بعض الصبر والعزم مدفون
بأرض المصير اللي.. لحفني ترابه
لو في يدينــي شـــيء
ما عشت من دون..!
الغالي اللي ما رحمني غيابه.!
26-08-2005, 02:58 AM
المواضيع المتشابهه
