الفرق في التعليم:
العيناوي يوم تجيه تقله ها كيف الدراسه يقلك تمام وتسأله في مواد صعبه؟؟ يقلك قول وش فيه سهل وخاصة هالانجليزي ترى بيني وبينه تار ،،، ياذابحني ياذابحه ويوم يجي اخر الترم مافي علامه حمراء الا على الانجليزي سوا فيها روبن هوود
اما الي من دبي اول ماتجيه تقله سلام عليكم يقلك قوود مورنينج تقول مستر جونسون الاخ ويوم تقله كيف الدراسه يقول ميه ميه باقيلي ترم وانا مهندس طموح هتلر
--------------------------------------------------------------------------------
الفرق في الاكل :
يوم تخاوي عيناوي لمطعم ماتسمع غيريصيح باعلى حسه تقول مؤذن ياقهوجي
لكن الي من دبي ماتسمع غير اصابيعه تطرقع اكس كيوز مي ويوم يجي الاكل
--------------------------------------------------------------------------------
صاحبنا من دبي مّّرّكب كاتم صوت قبل مايدخل المطعم
اما العيناوي صوت عتاب في فمه مع طيرانها ولمن يخلصون الاكل العيناوي يقوم يلحس اصابيعه
بدون مايغسل يده لا ويحك شعره بعد
لكن الي من دبي اذا ماتروش مايجيله نوم
--------------------------------------------------------------------------------
الفرق في المغازله:
ياويل بنت تمشي من قدام عيناوي ياهو حاطط الرقم في برقعها ياهو ساحبها مع يدها يقلها ترى العشاء عندنا
لكن الي من دبي يمشي على خطوات الاعجاب اللي هي نظره فابتسامه فحديث فموعد فلقاء
--------------------------------------------------------------------------------
الفرق في الاسواق :
العيناوي تلاقيه ماشي كانه سيف عز الله راشينه بعلبة ماريتو كامله قبل مايطلع من البيت والموبايل مايفارق يمناه
لكن الي من دبي انسان فريي يمشي يضحك ياكل فشار يشرب عصير تقول مخلخل
--------------------------------------------------------------------------------
الفرق في الاسماء:
اذا جا مولود لعيناوي سماه جابر سعود هزاع واذا ازمت معه مره سماه نوفل
اما الي من دبي اذا جاه ولد سماه احمد ولا خالد ولا سالم ولا مايد
--------------------------------------------------------------------------------
واذا انقال شي في مجلس رياييل عاب رجال منهم قام مفزوع وهو يصيح انا ولد ابوي تقول صدام رش الكيماوي
لكن الي من دبي مع اني اشك انهم يجلسون في مجالس رجاجيل يقوم مفرصع عيونه ويقول استحي على وشك ولا رح امشي عز الله ظلم المجلس بروحتك يالغالي .
--------------------------------------------------------------------------------
السكن والمصروفات :
العيناوي اذا بناء بيت يبنيه عشان الضيوف مجلس ومقلط نص البيت وكلها ثلاث عزايم في السنه
أي من دبي يطبق نظرية انا اول وبعدين الضيوف هذا اذا فيه ضيوف
--------------------------------------------------------------------------------
العيناوي يتسلف ويسدد اقساط عشان يركب سيارة كشخه
الي من دبي يركب كشرة سيارة بس الشقه متحف وجدرانها معرض
--------------------------------------------------------------------------------
العيناوي مضيع راتبه في الكرم
الي من دبي يمسك درهمه وبشده
--------------------------------------------------------------------------------
السلوكيات:
العيناوي بحكم احتكاكه بالطبيعه المتمثله في غبار هيلي تجده فطن ذكي حار ملقوف
الي من دبي بحكم استنشاقه كميات هائله من اكسجين البحر تجده وسيع صدر وماله شغل في غيره
--------------------------------------------------------------------------------
العيناوي راعي فزعات
الي من دبي نفسي نفسي
--------------------------------------------------------------------------------
العيناوي اذا اخطيت عليه ماينساها بعد عشر سنوات يقول لك تذكر يوم ويوم ويوم انك
الي من دبي يسوي فورمات للذاكره
--------------------------------------------------------------------------------
الشكل الخارجي:
العيناوي تخصص ثياب وشمغ وغتر
واللي من دبي تخصص سبورت
--------------------------------------------------------------------------------
العيناوي اوسم من الي من دبي
اللي من دبي البق من العيناوي
--------------------------------------------------------------------------------
التعامل مع الجنس الناعم:
العيناوي تمر البنت من عنده يفحصها بعيونه فوق تحت تقول بيتزوجها
اللي من دبي مالي ومال الناس
--------------------------------------------------------------------------------
العيناوي اذا كلم خطيبته لسانه حلو وكلامه اشعار غزل بس بعد الزواج يعتمد على الجو
اللي من دبي ما يدغدغ مشاعر خطيبته يعني شوي سماجه بس بعد الزواج يعتمد على الجو
--------------------------------------------------------------------------------
العيناوي المتزوج يطلع مع الشباب اي وقت
الي من دبي المتزوج انسى خميس وجمعه ،،، خميس وجمعه للبزوره
--------------------------------------------------------------------------------
العيناوي يمشي قدام والحرمه وراء بخطوتين
الي من دبي يمشي وراء والحرمه قدام بخطوتين
--------------------------------------------------------------------------------
اما قولك مجالس شباب العين، يتكلمون كلهم بصوت عالي وفي نفس الوقت من اللي يسمع
ما ادري
بس في دبي السلام بالدور والكلام بالدور لحظات الصمت موجوده.
--------------------------------------------------------------------------------
التعامل مع الاطفال :
اللي من دبي يعطي فرصه للطفل حتى في المجالس
العيناوي يكرش الاطفال خارج مجلس الرجال
--------------------------------------------------------------------------------
بس فيه شي مهم في موضوع الاطفال
الطفل الي من دبي مؤدب ويحترم اللي اكبر منه وغالباً يسمع الكلام
الطفل العيناوي بثر ويرد عليك الكلام
خخخخخخخخخخخخخخخخخخخخخخخخ
:a58::a58::a58::a58::a58: