غيب أكثـــر.. لين تتعب !!

[aqshar]

السلام عليكم ...
شلونكم شخباركم.؟ على العموم حبيت اشارك بهالقصيده من كلامتي بس اتمنى شي واحد انا ماحطيتها اهني الا لاني واثق فيكم ...
انا ان شاء الله بعد جم يوم بنزلها بالجريده ان شاء الله .. بس حبيت انزلها بالمنتدى قبل الجريده واخذ ارائكم ..

(( حقوق الطبع محفوظه))
أقشـــر..

يقول..

غيب اكثر لين تتعب مــن غيـــــابك ** لين ماتنسى وجـــودي ياعـــنيد
من عرفـــتك ماخذيت الا عــــــذابك ** وانت تاخذ من حيـــاتي ماتـريد
كل ماتامـــر قلــت تفـــدى شبــــابك ** كنت اضنك يا حبيبي تســــتزيد
كنت اضنك تمـــطر الود بســـحابك ** كنت اضن اني معك دايم سعــيد
كنت تامـــرني وانا كنـــي كتــــابك ** كانت المهنه مثل ساعي الـبريد
كنت عـــنوان المـــحبه يا هلابـــك ** وكنت انا مثل الروايه والقصيد
كنت ترجــــعلي اذا وقتك غـــدابك ** وكنت انا انطر رجوعك من بعيد
كنت اضمك لين ماتنسى صحابك ** كنت اضحي وغيري اللي مستفيد
ماتذكر غير وقــتي اللي نســـابك ** كل شخص ومابقى عندي مزيـــد
وانت ماتذكر سوى حضرت جنابك ** لاهي بنفسك وشخــصك يابلـيد
ادري ماتعرف عيوبك من صوابك ** خابرٍٍِ هالشي وش عنــدك جديد
ادري مو ذنبي حبيبي هو خطابك ** وتدري اني ملتزم بأمر الوعيد
من عرفت ماعشـــقت الا سـرابك ** وتعرف اني مخلص وطيب أكيد
كل هذا واتمادى في خرابك .؟؟! ** كل ماله تنظر لشيٍ بعيــد..؟؟!!
تحسبني غافلٍ واجهل لعابك.؟؟! ** لا حبيبي صرت انا انسانٍ شـديد
هذي يدي وبسقي فمك من شرابك ** ودي تعرف طعمه المر المبيـد
لكن اسمع كلمــتي بأخر عتابــك ** ما اســامح لو تــجي مثل العبـيد


وسامحونااا على القصـــور...

حقوق الطبع محفوظه .. أقشر
سي يو..

 

 

[g6waa]

كلمات رائعه خطها شاعر متمرس

الف شكر يا اقشر على الثقه التي اعطيتها اياها

فعلا كلمات جميله وصح لساااااانك :)

:a146:..g6waa:a146:

[بسمة الروح]

صــــح لســـانك

ولاهنــــــت على هالابيـــــــات




فعـــــلاً كلمـــــات رائعــــة

بصـــــراحة ابـــدعت فيهــــــا



يعطيــــــك العافيــــــة

وبانتظــــار المزيـــــد من جديـــــدك

[i DoNoT CaRe]

هذي يدي وبسقي فمك من شرابك ** ودي تعرف طعمه المر المبيـد
لكن اسمع كلمــتي بأخر عتابــك ** ما اســامح لو تــجي مثل العبـيد

قمه الشمووخ ,,


ابيااات رااائــعــه ,,

تــ،،،ـــلــم على هالاحسااس ,,


صح لــســانــك ولا هــنــت شااعرنا ,,


وكلنااا شووق الى جديــدك ,,

[Nathyaa]

كنت عـــنوان المـــحبه يا هلابـــك ** وكنت انا مثل الروايه والقصيد
كنت ترجــــعلي اذا وقتك غـــدابك ** وكنت انا انطر رجوعك من بعيد
كنت اضمك لين ماتنسى صحابك ** كنت اضحي وغيري اللي مستفيد


الغياب

نقولها عندما يذبح قلبنا

عندما يغرس الفراق سكينه فى صدرنا

نقولها عندما يرحل من كان ضوء عيوننا

عندما يقتلنا من كان يحمى روحنا

\\//

//\\

الغياب

نقولهاعندما يهجرنا من كنا داخل صدره نسكن

عندما يطردنا من بيتنا

ويلقى بنا فى ظلمات الفراق نعانى آلامه

نقولها عندما يلظنا من حياته من كان هو حياتنا

\\//

//\\

الغياب

نقولها لمن كان انفاسنا

واحساسنا ومن كان النبض لشرياننا

لمن كان يحمل بين يديه سعادتنا

ومن اعطانا الحزن ليكون رفيقا لدربنا

\\//

//\\

الغياب

هذه هى الكلمات

سؤال لقلب كان ينبض داخلنا

والان يطمح لان ينبض بصدر آخر

ماذا استفدت ؟!



اخى الغالي

كلماتك رائعه

لا مثيل لها

تقبل منى كلماتى الهزيله

علها ترتقى لك ولكلماتك

دمت اخا غاليا

ودام لنا ابداعك

[غدر الزمان]

تسلم على هذه الابيات الجميلة

[aqshar]

يسلموووووووووووووو على المرور ..

وصحة أبدااانكم..

والله يعطيكم العافيه على هالكلام الجمييل هذا ان دل يدل على ذوقكم الراقي والاحساس الوااسع ..
ويسلمووو نثيا على هالكلمات
بالفعل الغياب او الخيانه اصعب شي على الانسان
ومشكوره قطوه واي دونت كاري وبسمة الروح على هالردود والكلمات الروعه ..

حقوق الطبع محفوظه.. أقشر
سي يوو..

[aqshar]

حقوق الطبع محفوظه.. أقشر

سي يو

[lolowa]

يسلمو اقشر الصراحه ابدعت في القصيده ولو اقووول حلوه اتينن او روعه صدقني ماوفيت

[aqshar]

يسلموووووووووووو لولوه على المرور وابداء الراي

حقوق الطبع محفوظه .. أقشر

سي يو