ҳҲҳ هذي غلطتي تعلمت الوفا والناس خوانهҳҲҳ

Nathyaa · #1 04-10-2006, 12:45 PM

من أول راح واللي راح أنتهى وولى..
وأشوفك اليوم في قلبي طاح تمثالك..
وذا قصدك تعاندني..
ترى من طبعي أتعلى..
ولاأظن العمر وقف عليك ولا على أشكالك..
توكل زيد بعنادك..
ومن يتغلى يتخلا..
وأنا ماني بلاميت وراك.. ولاني بهالك..

اذا قصدك تعذبني فديتك ريح اعصابك...
تراك في ناظري اصغر من انك تحرق اعصابي...
انا الي في العلا شامخ ولاارضى الهون باسبابك...
وانا الي اثني اعزومك وابيعك دون لااهابي...
وش المعنى تجافني وترجع شايل اعتابك...
انا ماني على كيفك متى تبغى اتسلابي...
رفعتك من الدنى الواطي وشلتك عالي اهضابك...
ويوم اعليت لك شانك تجي الحين تهزا بي...
حشا والله ماتسوى بعيني حفنة مترابك...
ولانزل يوم مالعالي كمن قدره على ترابي...
وقليل الشان لو يكبر يتوق فدرب متشابك...
ومهما في العلا يرقى باصله دوم ينعابي...
اذا قصدك تعذبني فديتك ريح اعصابك...
تراك في ناظري اصغر من من انك تحرق اعصابي...

المدينهـ .. كتلهـ .. اسمنت .. وأوادم ..
من .. اسمنت .. يْجسّدون .. قلوب .. صلبهـ ..!
الصدور .. أُكسيد ..ثاني .. للعوادم ..
والمشاعر .. لُعبهـ ٍ.. في .. جـوف .. عُلْبهـ ..!

ما يعيش بهـ الزمان / الا " ولد " خاين / وعايب
والمحافظ عـ المروهـ والوفا / محد|ن| درا بهـ !!
والمصيبهـ / أي مصيبهـ ؟! الا هي / أم المصايب
ان جرحك ما يجيك الا / من احباب وقرابهـ !!!

هي الخيانهـ .. و .. الكذب .. عندكـم عرف !!
.. أو ..
الوفا .. في .. هذا الزمن .. ماتطولهـ !!!!

وين الصداقهـ والوفا ؟؟ يـ اللي تخونون العهود
السالفهـ بانت ! وصارت مثل شمسٍ شارقـهـ
كان الخيانهـ والردى من ساس دستور اليهود
فـ الدِّين حلّل للقضا قطع اليمين السارقـهـ !!

قطعت القلب ياشاطر..
قوي القلب تعجبني..
تحسب اني انا ناطر..
وشوقي لك معذبني..
وانا ماهزني هاجر..
ولعب العيال ضحكني..
ولكن خلك الصابر..
وعلى فرقاك عودني..
عشان انساك ياشاطر..
ومثلك ترا مايشرفني..

قال قلبي عقب مازاد في نحيبه
علمني الصبر وقولي وشلون نسيانه
وين الغلط فيك والا فيني المصيبه
ولا كوني ماعرفت وين الغلط مكانه
ماهي غلطتك يوم قلبي زدت تعذيبه
هذي غلطتي تعلمت الوفا والناس خوانه

توك تجي تطلب رضا قلب ناسيك
ذابت ورودك واصبحـن يابساتـي
ضيعت حبي ياعسى الله يجازيك
وانكرت قلبي يومك اغلى امنياتـي
يومك تخون وتطعن القلب بيديـك
ويومك تنقص بالمشاعـر غلاتـي
ويومك تعيش بحب غيري واناديك
تسمـع ولاكنـك تحـس بشقاتـي
والحيـن قلبـي فـي همـومـك
يخليك لقيت غيرك وآبذوق الهناتي
وارجوك تبعد خلني اعيش ناسيك

هـذا أنـا كـل ما فـي مـن عيـوب
هـذا أول عيـوبـي كــلام الصـراحـة
الحق أشوفه بعض الأحيان مقلـــــوب
وأشوف في بعض المشاويـر راحــه
كم لي أدوّر له عـذر وأغفـر ذنــــوب
حتـى وصـل بالـذنـب حــد الوقـاحـة

أناااا ما أع ـــلن ع ـــنادي ولا أبدي غ ـــرور !!
بس !!
صار الأمر ع ـــادي غ ــيابكـ مثل الــ ح ـــضور !!!!

دار الزمن وأصبحت أشوفك ولا شي.من بعد ماكنت أرتبك من عيونك. كنت الهوى والعشق والماي والضي.وأخون نفسي قبل أفكر أخونك.واليوم ماتسوى بعيني ولا شي.تعبت من غدرك ومليت أصونك

اشهد انك سبع يا زين المحاسن .. خنتني و الخيانه من حسن المكارم * * )

خل الذي ألهاك عني يفيدك... وأنا أوعدك مثلك أبلهي وأنساك... خلاص أدري صرت ماني صديقك...وصرت تتصدد كل ماجيت ألقاك ...خبزن خبزته لازم تذوقه بيدك...وتشوف طبعك المجنون لوين وداك...

ماقصرت في وصلك ولاني مقصر في جفاك
إبشر بطبعن جديد يعلمك تقديري
إنت يلي تحسبني ماأعيش إلا معاك
لاحبيبي تطمن أنا راضي بمصيري
كنت أحسبك شاري وأثرك بايع من شراك
ليه استحي شرواك وانت تستحق تقصيري

ألعب على كيفك ومرجعك معروف.. أنا الذي سويت منك قصيده..أنا الذي عمرت ما كان متلوف..وأنا الذي أرفع بنجمك وعيده..وألحين ياخلي ترا صرت معيوف..وأتركني وأنسى وأفعل الي تريده

مالك تهل الدمع ياعين كفيه
ماكل من يبكي حبيبه بكاله
تبغين شوفه ياعيوني وترجيه
وهوعيوني الشوف ابعد مجاله
الله اكبركل هذاعليه تسويه
الي يحبك ليش تطلب زواله
اصبرودورات اليالي توريه
يذوق سم الهجروناراشتعاله

ان ز اد حزنـي قلـت لـه مـاعلـيـه
وش الــذي بــتزيــد فــي قــلــب مـذبوح
ياحــزن دور لـك عــلى نفـس حيــه
ولاانــا مــالــك ابـــد فـــي مــصلــوح
الروح ماتت مــن سنـيــنٍ مــديــه
ولا الجســـد هــيــكــل ولا حــس بـالـنوح
لــو انـكوى بالـنار مليون كيــه
مــاحـــس فـــيها دام مــاحــست الــروح
معـاد امــيز بــين شمـسٍ وفيـــه
كـــل الذي في داخـــلي جــمــلة جــروح

لأنك كنت لعيوني نظرها وللجفـون أهـداب
أشوفك بالسماء نجمة سحرنـي نورهـا الهـادي
حسافة خانني قلبي وجعلتك سيـد الأحبـاب
أحب اللي يحبونك وأعـادي مـن لـك يعـادي
أنا لو كنت أعرف إنك تبدل لأتفه الأسبـاب
ما أنزل قـدري لقـدرك بعيـد عنـك يالغـادي

مجرمة قديمة · 04-10-2006, 04:51 PM

يسلمووو ياقلبي للمسجات الرائــــــــــعة

Nathyaa · 05-10-2006, 08:53 AM

اشكركم للمرور المشرف

~*~عاطفية~*~ · 05-10-2006, 11:38 AM

واااااااااااو

تسلمين على المسجات الروعه

Nathyaa · 06-10-2006, 11:26 AM

يسلمو للمرور

OK · 06-10-2006, 12:19 PM

مشكووووووووووووره على المسجاااااااااااااااات

Nathyaa · 07-10-2006, 07:05 PM

تسلمون للمرور

الحــل الصعـــب · 08-10-2006, 09:29 AM

انشالله ما استخدمها //

مع اللي احبه

يسلموا نثوي

Nathyaa · 09-10-2006, 08:27 AM

امين

كل الشكر للمرور

ابو فارج · 13-10-2006, 03:02 PM

اشعلت في قلبي جمر ونيراني

ذكرتني بماضي راح وخلاني

لا تفكر من وراك ابتعب واعاني

انت ابتديت وانت على نفسك الجاني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ҳҲҳ بشـاإأإر عبـداللـّه ҳҲҳ √	KatKot_q8ety	منـتدى كرة القدم	14	08-09-2006 09:42 AM
̸Ҳ̸ҳ•◦˚• قبعــات للصيــف ̸Ҳ̸ҳ•◦˚•	بنت السويدي	قسم الأزياء والأناقه	5	23-06-2006 10:08 PM
ҳ المْــسَــخّــنْ بِــ الخُــبْــزْ اللّـبْنَـــانِـــيْ ҳ	بنت السويدي	منـتدى أطباق ومـأكولات	2	27-05-2006 10:24 AM
تعلمت .....	زهرة البنفسج	منتدى الطب و الصحه	3	16-11-2005 11:39 AM
ااااااخ ياقلبي وينك يا انسان ؟ تعال شوف الوفا	Nathyaa	قسم المواضيع الغريبه	19	15-06-2005 09:54 PM

الذين يشاهدون محتوى الموضوع الآن : 1 ( الأعضاء 0 والزوار 1)