الطلاق و العنوسه

[لاجئ سياسي]

السلام عليكم و رحمة الله و بركاته

طبعا الكل سوف يقول ان هذا الموضوع متكرر و انا اقول له نعم انه متكرر و لكن احببت ان ازيل الغبار عنه لانه موضوع مفيد و مهم و يجب ان نتحاور فيه و نرى ما هي المستجدات و حتى نتجدد فكرنا و ننظر اليه بعقلانيه.. و نتفاداه في المستقبل ان شاءالله


اولا العنوسة

العنوسه هذه الايام في تزايد مستمر و كل الاحصائيات و خاصه في الخليج تشير الى ارقام رهيبه يقشعر لها البدن ..

وحدث شيء جديد اليوم و هذا الشي لم يتوقعه احد .. عنوسة الرجال .(اذا صح التعبير). الرجال عازفون عن الزواج ..شي عجيب .. لماذا


ترى ما هي الاسباب تفشي هذه الظاهره بين الجنسين؟؟

و ما هي واجباتنا تجاه هذه القضيه؟؟

و ما هي الحلول المقترحه للحد منها؟؟

اتتظر منكم الاجابه ..التي ستثمر بعد النقاش


ولم ينتهي الحديث هنا .. و لنا رجعه الاسبوع القادم مع الطلاق

 

 

[بنت الامارات]

اشكرك اخ سياسي على الموضوع

الاسباب :
كنا نقول قبل انها غلا المهور وفي نظري الحين ان
غلا المهور صار له حل والحمدلله صندوق الزواج موجود
ولله الحمد
اما الاسباب الواقعيه بنظري : اعتكاف الشباب عن الزواج
وحياه العزوبيه اكتفت بأرضائهم
وانتشار الفكره السلبيه عن الزواج
___________________________
الحلول في نظري من جهه الفتاه ومن جهه الشاب
الفتاه : اذا تقدم لها الشاب طبعا فكرت واتخذت القرار المهم
انها تكون مرتاح في البدايه ولو واجهتها صعوبات من البدايه اتمنى انها تراجع حسباتها المهم في غلا المهور في فكره اتمناها تنتشر لكن ما اعرف لو تحبذونها المهم بدال المال تتطلب من الشاب انه يحفظ 15 جزء من القران واكيد الحفظ كفيل كفيل بتغيره وهذا مش كتاب هذا قران !
اما عن الشاب : لو يفكر في الاولاد وعيال :a58: ان شالله يتشجع
___________________________________
كنت اتمنى لو طرحت قصه البنت للي تزوجت الهندي !
وهذي قاعده تتكرر للاسف مش بس على الهندي
الله يهدي الجميع ان شالله
اشكرك اخ سياسي والله يبارك فيك ان شالله

[Nathyaa]

يسلموووووووووووووووو سياسي علي طرح الموضوع


بالنسبه لعنوسة البنت :


اغلب البنات الحين يدورون علي الشهادات علشان جذي يطوفهم القطار


اما بالنسبة لعنوسة الريال :


للاسف كل واحد من الرياييل يقولك انا مو قد المسؤوليه


يبي يستانس ويخربط بحياته قبل الزواج

مايبي شي يقيده

مثل مايقولون يبي يصير مثل الطير يرفرف من غصن الي غصن علي حريته


اما بالنسبه للحلول :


انا ابي اقول شي واحد


هذا الرجل فرضا انه تزوج وهو عمره 35 سنه

وانجب ولد وهو عمره 36 سنه

متي يشوف ولده وهو يكبر معاه

يعني الولد يصير عمره 15 سنه والاب صاير شايب 50 سنه


ماراح يحس بجمال الحياة


اما بالنسبه للحل الجذري


عندنا بالكويت كل رجل يبي يتزوج الحكومه تعطيه مكافأه 4000 دينار كويتي


انا اقول لو الحكومه تحد حد بالسن يعني اكثر شي 28 سنه وتوقف هالمساعده جان تلقي كل الشباب عندنا بالكويت تزوجوا

اهذي بالنسبه للكويت


اما باقي الدول فمااعرف نظام الزواج عندكم


هل الحكومه تساعدهم في الزواج ام لا ؟

[لاجئ سياسي]

[align=center]أختي بنت الأمارات بارك الله فيج


أختي غلا المهور لحد الان مشكله والمشكله الكبرى تكاليف الزواج

ولحد علمي صندوق الزواج الأن وبالذات اصبح معقد وليس له حل

أختي العزيزه المشكله اكبر في ظني

دعينا نرى ونستمع لأراء الاعضاء

وهذه التي تزوجت الهندي ليست لها قصه ولكن الشيطان سيطر على عقلها

ولا تنفجعي اذا قلت لكي قصة اقصد قصص الفتيات الاتي يتزوجاً من أجانب ولأسباب تافهه..!![/align]

[لاجئ سياسي]

[align=center]أختي نثيه بارك الله فيج


أختي اعتقد بأنك أسئتي الظن في الرجال من فئة العانس..!!

لماذا نقول بأنهم يتجنبون المسؤوليه؟؟

لماذا لانقول بأنهم لم يجدوا بنت الحلال المناسبه التي تستحق أن يعيش معها الرجل وينجب منها أطفال؟؟

لانذهب الى مصر والى سوريا والى السودان

متوسط سن الزواج هناك 30؟؟

اما نحن متوسط سن الزواج في بلداننا 22..!!

انا في اعتقادي عنوسة الرجل تأتي بأسبب نفسيه وسببه هو

وعنوسة البنت تأتي بعدة أسباب
.1 اما ان تكون الفتاه باحثه عن رجل معين وفارس أحلامها لتستيقض من غفلتها ولم يأتي (سبع البرمبه)
.2 الحياة الدراسيه
.3 التحييره ( هذا عاده قديمه يقوم بها أهلنا القداما لحجز البنت منذ الصغر للولد او العكس)

وغالب ماتنتظر البنت هذا الذي قيد مصيرها جبر في مصيره لينهي دراسته ويأتي لتزوجها وفجأة ... يأتي لها من يقول لها (خطيبك) تزوج؟؟..!!!

وكثير ماحصلت أمامي هذه الحكايه لدرجة آن مره رجل طلق زوجته بسبب عصيان الولد لكلامه وعدم أخذ الفتاة التي تنتظره؟؟ هو تزوج من أجنبيه وامه تطلقت واباه مات بالجلطه ..!!


وأخيراً كبرياء الأمهات في النظر للخطيب من حيث الماده والاصل والثقافه وفي يأتي الدين في النهايه..!!![/align]

[Nathyaa]

هذا جهل انا اعتبره

[لاجئ سياسي]

طيب شوه الحل

اذا جهل كيف السبيل الى وصالك دلني؟

[Nathyaa]

اوكي انت طرحت سبب عنسة البنت


وانا معاك


انا ابي اعرف شنو سبب عنوسة الرجل


تجد الرجل عمره فوق ال 30 سنه ولم يتزوج


ماهي الاسباب

[لاجئ سياسي]

المال

وفاة الام

العمل

الحب القديم

هذي أسباب تجعل الرجل عانس

[بنت السويدي]

يسلموووووووو عالموضووع لاجـــــــي

بالنسبه للبنت انا اشوفها في حالتين

الاولى

القسمه والنصيب

الثانيه انه الينت ماراح تفكر بالزواج الا لما تخلص الدراسه البعض مو الكل

ومافي وحده ماتفكر بالزوااج بس كل السالفه قسمه والنصيب متى راح ايي نصيبها راح تتزوج هذا غير اذا تقدم لها ريال وحالتها مب زينه انا مب زينه مب من ناحيه الماديه لا الحاله الماديه يمكن هي تقدر تساعده عقب الزواج انا اتكلم عن حالته انه الريال يطلع مب زين مايناسبها يعني فيه 66 عله يعني مو عقد المسؤوليه او عنده سوابق مثل مايوقولون يمكن هالشي يخلي الينت ترفضه ومن حقها طبعا


اما من ناحيه الرياااال

فأنا اشوفها انه بعض الشباب مو الكل شو يفكر انه مايعرس الا عقب مايتخطى 30 وفوق شو يقوول انا بعدني صغير ومافكر ابااعيش حياتي اذا تزوجت راح يتغير كل شي وماراح اخذ حريتي احسن لي الحياه العزوبيه وابعد عن الهم والغم وعوار الرااس.


يعني يوم راح يشبع من الدنيا يفكر انه يتزوج لا يوم يوصل 30 وفوق يتشرط انا بنت بمواصفات مب اي بنت ههههههههههه
عمرها مايتخطى عن هالعمر ..... ويتشرط


انا اقوللكم عن واحد هو شبع من حياته من اللعب وغيره ................

يوم فكر انه يعرس راح يتشرط على امه والله انا ابا الفلانه جي وجي وجي تم يطلع 66 وصفه للبنت الي يبقاها

ومن المواصفات انه مايبا وحده مكمله دراستها ولاتعرف شي اسمه تليفون ولاتعرف شي فالدنيااا مثل القطوه المغمظه

وين بيحصل مثل هاي قولولي فزمنا تغير كل شي

بس هو من كثر ماشاف وعرف قال مستحيل اخذ اي بنت

ودوروله بس ماحصلووا المواصفات الي يباها

والله ناااس شو اقول بس

يسلمو لاجــــــئ