لماذا لم تضرب القاعدة أسرائيل الى الأن ؟

[albader]

الله واكبر قعدت يومين ابحث فى الموضوع وكل هذا عشان نستفيد

واليوم جاى اكمل الموضوع

صدمة ولا حتى واحد ناقش بالموضوع الاساسى ولا حتى كلمة شكر

حتى اللى كتب كلمتين حصل على شكر

الله يسامحكم

عل العموم هذا طبعنا نترك الاساسيات ونروح نبحث ورا الامور الفرعية اللى ماوراها فايدة

يالله احسن نرتاح من الموضوع

انا انسحب يااعزائى من الموضوع

الف شكرا للجميع واولهم صاحب الموضوع

[Nathyaa]

البدر :


ماشاء الله عليك

كفيت ووفيت


الله يعطيك العافيه

[لاجئ سياسي]

أخوي ليدر

موضوع ان امريكا دخلت وقامت بعملية حيه في الكويت هذا مش منكور لا مني ولا من غيري ولكن في ظنك تستحق التمجيد؟؟

انا ماتكلمت عن استضافة السعوديه من كل الجهات

ولكن الاخ ابو عيد مجد الامريكان واكتفى بالقول للعرب والمسلمين شكراً والى اللقاء؟

هذا غلط في غلط

حتى الأمارات اللي كان جيشها مايتعدى في هذيج الفتره مأتين الف ارسلت قوات الى الكويت واستشهد 7من جنودها ..

وبعدين انا اريد افهمك شي

انا ماتكلمت ياجمااعه عن هذي المواضيع والله ياجماعه ماتكلمت

ابو عيد هو اللي جر رجلي في النقاش وحول الموضوع بسرعة الضوء للكويت والسعوديه ..!!

ياجماعه الموضوع موضوع بن لادن مش غزو الكويت

وحتى ان كان الموضوع غزو الكويت في ظني الطريقه غلط والقول غلط ..!!

شكراً

[لاجئ سياسي]

اختي نثيه

صدقيني اللي جاي يناقش ينوع الفكر مايمسك على نقطه مالها اساساً من الاساس ..!!

وانا بعطيج الدليل على كلامي

شوفي رد أخوي البدر؟

بصراحه رد حضاري والواحد يستفيد منه وبالعكس ماترك لنا مجال ننقاشه اساساً

ليش جيتوا تتكلمون عن موضوع شعبه الاستاذ ابو عيد وتركتي الطرح اللي انتي طرحتيه؟؟

هذا مش طريقة نقاش

انتو حطيتو في بالكم انا قاعد اجرح الكويت

وانا والله والله والله ماجاء على بالي هذا الشي

والله لايسامحني اذا كانت هذي نيتي

مش خوفاً من حد ولكن والله لحبي لهذا الشعب وأحترامي للمكان اللي انا فيه

شكراً

[لاجئ سياسي]

البدر انته والله والله كفيت ووفيت

وكلمة شكر لك صدقني قليله وياليت اقدر أتعلم شي من اسلوبك في النقاش وفي الطروحات

الله يحفظك ويطول بعمرك

[لاجئ سياسي]

بو عيد الكلام معاك صدقني ضايع اليوم فهمت الاخوان شي ماله اساس بكره اخافك تدخلني في متاهات مع بريطانيا..!!

لما تتعلم طرية النقاش وتترك الادوار البطوليه عنك تعال ودور حد يناقشك

وتعلم انك اذا رديت على موضوع تم في صلبه واذا حبيت اتنوه في محاوره اطلع بس ارجع بسرعه مش اتسوي نفسه هالمره تتكلم في موضوع ماله اساس؟!!

واتعلم انك تاخذ الحق وتعطيه حتى ولو كان يخصك شخصياً
وترى الدفاع عن الارض بهذي الطريقه مش مقياس للشهامه

الشهامه والسياسه انك اتفهمني شي انا مافهمه وادافع عن ارضك بطريقه حلوه

مش تنفي شي حاصل يعرفونه الملاين؟؟؟!!!!

وتعلم لما تطلب ديلي من حد على كلامه هاتله انته الدليل في البدايه عشان ماتكون حجه الرد :)

لا انته مشاءالله عليك تنفي الادله كلها وتفرض رأيك شغل غصب

وفي النهايه اتعلم أنك ماتعتمد على كلام المقاهي والديوانيات

ترى مافيه فايده

روح أقرى لناس مثل هيكل وعبد الله رجب
وكتاب سياسين دفعو دم قلبهم عشان يعرفون الحقيقه اللي انته قاعد اتاقرني فيها بالباطل

ومع السلامه

[Nathyaa]

الكلام اخذ وعطا


ياجماعه اذا بيصير بينكم جذي مره ثانيه ماراح نطرح اي موضوع سياسي

[ابو عيد]

ياخي الاخوان

لا ابو عيد ولا غيره يقدر يغير براي احد من الاعضاء لان لا سلطان لي عليهم غير ابداء الراى ومن يقتنع براى هو حر وليس مجبور.

ياخي انا ما انطر احد يعلمني اشلون افند الكلام الغير صحيح مثل ما غيري يفند كلامي وهذا حق لجميع الاطراف.

وانا لا احب احيد عن صلب الموضوع الا اذا احد حاول انه يغير او يضيف شئ عليه فبذلك يجب ان اتطرق الى النقاط المضافه .



والحق ليس انا من يعطيه او ياخذه من له حق يجد من يسانده باخذه ومن اخذ الحق من غير حق يجد من يقف بوجه.


والشهامه تحتم علي اني ادافع عن بلادي بكل السبل بوجه من يريد ان يغير الحقيقه على هواء نفسه ويضيف اشياء غير صحيحه وانفيها لاني ادرا بامور بلدي اكثر من الغريب.

ياخي المقاهي انا نفسي اعرف انت اشفيك كل ما قلت المقاهي اشفيهم اللى يرحون للمقاهي لا تقولي انك عمرك مادشيت احد المقاهي وجلست مع الناس لانك بذلك تدين نفسك بالعزله


والديوانيات ياخي هذا شئ نفتخر بوجوده ببلدي فالله الحمد على الحريه اللى احنا فيها .

ياخي مو انت تعلمني اقرا لمن او اتعلم لمن

فارجو انك ياخي اتعلم من غيرك احترام الغير وعقولهم فليس من حق احد ان يجبر احد على شئ