ياللي تشيـل اوراق وتنـزّل اوراق
خاطرك ميت وانت ضمن البشر حي
هرول على ثنتين وانقز على سـاق
وليا بغيت تصير ..عيّة عرب .. عي
اعنف مفاهيم الهوى حرب الاشواق
واكرم مخاليق الزمن حاتـم الطـي
واوّل دروب الغيث قطـره وبـرّاق
وآخر سبيل الطـب بعـد الله الكـي
ولايكمل الابداع من دون الاخـلاق
شعر ٍ بدون اخلاق عـدّه ولا شـي
والكبر لله .. كبر الانسـان تريّـاق
قبله رمى بابليس في وضعه السـيّ
حنّا بشر لاعمارنا مأشـر إغـلاق
ومن مر ابن لعبون عرّج على مي
والخيّر اللـي لااول الخيـر سبّـاق
والادمي مهما بلـغ شانـه شـوي
والله وامـان الله ولاقطـع الارزاق
عمر الشجر مرهون في ذمة الري ّ
وعلى اختلاف اهل التملق والاذواق
يبقى التملق شي .. والذائقه شـي
يقوله اللي كـل ماخاطـره ضـاق
كبرّ وسمّا وا جهر الشمس بالفـيّ
05-09-2005, 02:30 AM
ياللي تشيـل اوراق وتنـزّل اوراق
المواضيع المتشابهه
