هذه قصيده اعجبتني للشاعر ماجد بن حباب العتيبي , أرجو أن تنال إعجابكم
[frame="7 80"]المهره اللي زادت الجـرح بعنـاد نذرٍ علي لتـذوق طعـم العنـادي
مادام راسـي حـي والله ماانقـاد لامشي على دربي وأحقق مـرادي
راسي وأعرفه زين يابنت الأجواد جلمود صخرٍ راسيٍ وسـط وادي
كم واحدٍٍ قبلـك يحـاول ولافـاد وكم واحدٍ قد ضيع الدرب غـادي
في مواجهه تتعب عصابات وأوغاد وش عاد تلعات الرقاب الرغـادي
ولي لابةٍ تاريخهـا كلـه أمجــــاد وانا أحمـد المنّـان رب العبـادي
ربعي عتيبه عزوتي عز الأسنـاد نعم العيال اليا حدا الوقـت حـادي
لا مر طارينا على روس الأشهـاد يحكي بنا ضرب الفشق والزنـادي
ياما تسيّدنا على شيـوخ وأسيـاد وياما وطينا فوق خشـم المعـادي
اليا أرتفعنا ترتفع معنـا الأعـداد واليا هدينـا قالـوا الجـو هـادي
واليا تكلمنا كمـا صـوت رعّــــاد نقدح سديد القـول علـمٍ وكـادي
قد قالهـا يابنـت حاسـد ونقّـاـــد أحذر (( عتيبي )) لو يجيك متهادي
يابنت مافي كثرة الحكـي لـو زاد ولا كل طيرٍ يجذب الصوت شادي
أما تجين وندمـح الجـرح لاعـاد ونعطّـر الايـام عنبـر وكـادي
والا على ماقـال زيديـه بعنـاد ونذرٍ عليٍ لا سقيك طعم العنـادي [/frame]
13-10-2005, 05:33 AM
المهره اللي زادت الجرح بعناد
المواضيع المتشابهه
