[frame="1 80"]السلام عليكم
هذي اول مشاركاتي
واتمنى ان تنال اعجابكم
هذي قصتي
الله من عينٍ تزايد عناها ... من سبه اللي بالموده رمتني
لي قصةٍ صارت وهذا مبتداها ... مع جادلٍ في حبها دمرتني
بديت اقضي الوقت واضحك معاها ... ما همني هرجه ولو عاتبتني
وحصلت ظروفٍ وقلت هذا منتهاها ... ونسيتها لكنها ما نستني
وصدفه بلآ ميعاد لحظه لقاها ... شفت الجمال وبفنها اعجبتني
وقلب الشقا دارت عليه برحاها ... وحبل الموده شدني واسحبتني
وقام ايتزايد كل يوم غلآها ... لين انها تسيطرت واملكتني
يفز قلبي كل ما اسمع نداها ... واشعر براحه كل ما كلمتني
ومن غيرته نفسي تزايد رضاها ... يرتاح بالي كل ما حاسبتني
قضيت معها ايام محلى هناها ... عامين في جو الحنان اغمرتني
وحلفت ما طرد كل عذرا سواها ... وعاهدتها وهي بالوفا عاهدتني
وبحلول ثالث عام غيم سماها ...وضعه تغير بس ما صارحتني
ويوم انكشف لي كل غامض خفاها ... أثر السيول الجارفه حدرتني
أثر المجاري غيرت درب ماها ... حاولت اعدلها لكن اعسرتني
باعت مودتنا بعد مشتراها ...ومن السعاده للعذاب ارجعتني
وقاطعتها وطويت صفحه هواها ... غصبٍ علي يومنها قاطعتني
تركتها للي تبيه وبغاها ..,,لو أنها عن كل شي اشغلتني
ومن عقبها عيني تزايد شقاها ... فر الكرى عن موقها واسهرتني
وونات قلب صار تسمع صداها ... حاولت اخفيها لكن عجزتني
وأنصبت بالعزله ولا أبغي دواها ... أرتاح الى من العرب سيبتني
وارجع لماضي مرها مع حلآها ... وأسب انا ظروفٍ بها عرفتني
متبينٍ حتا بشعري خطاها ... على الحروف القاسيات اجبرتني
قصايدي يوم المحرر قراها ... أبدا اعتذاره قال : ما ناسبتني
مرفوض عنده نشرها من قساها ...مالي خطا هي بالخطا وقعتني
وحطت بقلبي علةٍ ما أقواها ... وعن كل مشروعٍ مفيد امنعتني
عسى الولي يعطي لنا ما عطاها ..من الصبر والنسيان يوم انكرتني
وعسى لها التوفيق مني جزاها ... لو هي بنيران الجفى احرقتني
وعسى الولي من كل شر ايحماها ... والله يسهل دربها لو جفتني
نفسٍ هوتها الله يجبر عزاها ... دفنت حب اللي عزمت واتركتني
من كلماتي[/frame]
16-11-2005, 04:47 AM
هذي قصتي
المواضيع المتشابهه
