يمه وينك يمه

[القلب الكبير]

[align=center]قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

كم منا يعيش في هذا العالم الصغير بقلبٍ ميت رغم أنه يأكل و يتنفس و يعيش لكنه مكسورٌ من الداخل



-=-=-=-=-=-



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني



وانا ابكي واتنهد وارسم بالحزن لوحات

يجبروني عشان امشي ورجلي ما تمشيني



قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني



وكنه حلم قدامي يقيدني من الصرخات

ابي اصحى ولكني عجزت القى ال يصحيني



فداك القلب يايمه ومهما قلت من كلمات

صغيره في كبر حقك بس اتمنى تعذريني



نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني



تجول عيونهم فيني تفصل مني قياسات

وتشيح وجوههم عني وكني غيرت ديني



يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني



نقص قدري بعد موتك وغابت نشوة اللذات

وصار الهم عكازي اباكيه ويباكيني



عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني



يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني



يايمه ما تحملهم يقولوا فات ما قد مات

تعالي غيري هالقول واطيعك باقي سنيني



واترك عادة التدخين وانفذ ما تبي بسكات

واصلي الفجر في المسجد قبل منتي تصحيني



يايمه ارجعي تكفين وطفي شمعة الآهات

ابيك انتي ولا غيرك على موتك تعزيني



وضميني وداويني مثل ما كانت الهقوات

ما ابي احدن يواسيني ابيك انتي تواسيني



دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني



القلب الكبير[/align]

 

 

[Nathyaa]

اااااااااااااااااااااااااااااااااااااااااااااااااااااخ

الله يجبر قلبه يارب

لو ميت مع امه كان ارحم له من هالعذاب

حرام عليك يا صاحب القلب الكبير انا داشه الموضوع بيدي فنجان القهوه وابتسم وطلعت من الموضوع ودموعي جرحت خدودي

بس بصراحه اختيار موفق يدل علي احساس مرهف

لاعدمناك يا كبير

[القلب الكبير]

نثيه الغاليه ردك على الموضوع بصراحتك هاذي

اكبر دليل على طيبة قلبك الحنون

[نوووف]

صح السانك يالقلب الكبيرولاهنت ولاهان قايلها


الله يجبر مصيبته ويشافيه وكل مرضى المسلمين امين

[القلب الكبير]

نوووف تسلمين على حضورك

[نوووف]

الله يسلمك من كل شر ومكرووة



ولا يحرمنا منك ومن جديدك

[القلب الكبير]

غاليه والله